Lúcas 5:6

Ñanderuete Ñe’ẽ Porã 2015

Ha ojapopa rire hikuái Hesu ñe’ẽ, ojapyhy hetaiterei pira, omondoropa hag̃uáicha iredkuéra.

Referencias Cruzadas

Eclesiástes 11:6

Pyhareveitépe eñotỹ ne mba’e ra’ỹingue, ha ka’aru ani remombytu’u nde po; ndereikuaáigui mba’épa rehupitýta ko’ã mokõi mba’e apytégui, kóa térã amóa.

Lúcas 5:7

Upémaramo ohenói iñirũnguérape opytáva y rembe’ýpe ou hag̃ua icanóape oipytyvõ hag̃ua avei ichupekuéra, ha oñembojávo omyenyhẽ pirágui mokõive canóa ombo’yguy hag̃uáicha.

Apostolkuéra 2:41

Ha umi iñe’ẽrendu ha ogueroviáva iñe’ẽ ojebautizauka ha péicha oike Hesu Crísto Iglésiape 3.000 hermanokuéra rupi.

Apostolkuéra 4:4

Heta umi ohendúva ijapytégui katu oñepyrũ ojerovia Hesu Crísto rehe, ha oñembohetave ohóvo 5.000 kuimba’e rupi, umi ojeroviámava.

1 Corintoyguakuérape 15:58

Upévare che hermanokuéra ahayhúva, peñembo’y hatãkena, pemỹi’ỹre (akatúape ni asúpe, Deuteronómio 28,14), pemba’apo katu kyre’ỹme pene rembiapópe, ha peikuaa porãke opaichagua tembiapo pejapóva guive Ñanderuetépe g̃uarã ndareiriha (ndojeitymo’ãiha tesaráipe).

Galaciayguakuérape 6:9

Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.