Lúcas 5:30

Ñanderuete Ñe’ẽ Porã 2015

Ha umi fariséo ha kuatia haihára oñe’ẽngururu Hesu remimbo’ekuéra rehe, he’ívo: Mba’érehe piko peẽ pekaru ha pey’u impuésto mono’õhára ha mba’evai apohára ndive.

Referencias Cruzadas

Isaías 65:5

Ha he’i hikuái: Epytáke reimeháme, ani reñembojátei cherehe, che ningo añembohekopotĩ’aína. Ko’ã mba’e oiko tatatĩ ha tata hendýva ramo ára pukukuépe che tĩme.

Matéo 5:46

Peẽ pehayhu ramo umi penderayhúvapente, mba’eichagua pene rembiapo porã repy piko oñeme’ẽkuaa peẽme. Umi mondahakuéra jepe ohayhu hapichápe omoirũva ichupekuéra hembiapo vaípe.

Matéo 9:11

Ha péva ohechávo fariseokuéra oporandu Hesu remimbo’ekuérape: Mba’érehe piko pene mbo’ehára okaru umi impuésto mbyatyha ha angaipavorakuéra ndive.

Márcos 2:16

Umi kuatia haihára ha fariseokuéra ohechávo Hesu Crísto okaruha hembiapo vaíva ha impuésto mono’õhára ndive, oporandu hemimbo’ekuérape: Mba’érehe piko Ha’e okaru impuésto mono’õhára ha hembiapo vaíva ndive.

Márcos 7:3

Fariseokuéra ha opaite Judeaygua ningo ojepokuaa yma guive, ndokarúi ojepohéi’ỹre heta jevy.

Márcos 9:16

Ha Hesu oporandu ichupekuéra: Mba’érehe piko peñoñe’ẽ’apipeína hendivekuéra.

Lúcas 18:11

Upe fariséo ñembo’yhápe oñembo’e ipy’apýpe péicha: Che Ruete, che agradece ndéve che ndaha’éi hague ambue kuimba’ekuéraicha, che namondái, ndachereko vaíri, nambyaíri che mendareko, ni ndaikói ko impuésto mbyatyhára kóvaicha.

Lúcas 19:7

Ha hetãyguakuéra ohendúvo péva, oñe’ẽngururu ha he’i: E’ána, Hesu oike peteĩ kuimba’e heko vaíva rógape opyta hag̃ua.

Lúcas 5:17

Ha ojehu ningo peteĩ árape Hesu oporombo’e jave hína, oñembyaty avei heta fariseokuéra ha umi oporombo’éva Moises rembiapoukapykuéra ouva’ekue avei Hesu rendápe Galiléagui, Judágui ha Jerusaléngui ha oguapy hikuái ijypýpe. Ha Ñanderuete pu’aka oĩ Hesu ndive, Ha’e oporomonguerapa hag̃ua.

Lúcas 5:21

Ha umi oporombo’éva Moises rembiapoukapy ha fariseokuéra ojepy’amongeta ha he’i: Máva piko kóva oñemoĩva Ñanderuete rendaguépe. Máva piko ikatu operdona kuimba’e ha kuña angaipakuéra, Ñanderuete añómante ikatu.

Lúcas 7:34

Pe yvyarigua Ra’y katu okaru ha hoy’u, ha peẽ peje: Peikuaa porãke, ko kuimba’e kóva ikaruguasu ha ika’u, impuésto mono’õhára ha angaipavóra irũ (rayhupára).

Lúcas 7:39

Pe fariséo oconvidava’ekue Hesúpe, ohechávo péva he’i ipy’apýpe: Ko kuimba’e kóva añetehápe proféta rire, oikuaava’erãmo’ã mávapa pe opokóva hese, ha mba’eichagua kuñápa ha’e, ha’e ningo peteĩ kuña reko vaíva.

Apostolkuéra 23:9

Upémaramo oiko peteĩ sarambi, ha umi mbo’ehára fariseokuéra apytégui opu’ã peteĩ ha he’i: Ore ndorojohúi mba’eve ivaíva ko kuimba’e rekove rehe. Ikatu ningo peteĩ ángel térã pytu porãva oñe’ẽ hendive.