Lúcas 5:22

Ñanderuete Ñe’ẽ Porã 2015

Hesu oikuaapa voi ojepy’amongetáva hikuái, upévare he’i ichupekuéra: Mba’e piko pejepy’amongetapeína.

Referencias Cruzadas

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

Salmokuéra 139:2

Nde reikuaapa aguapy térã apu’ã ramo, mombyry guive reikuaa porã che ajepy’amongeta jave rehe.

Mga Kawikaan 15:26

Umi iñañáva jepy’amongeta ningo mba’evai Ñanderuetépe g̃uarã, ha umi heko potĩva ñe’ẽ katu ombovy’a ichupe.

Isaías 66:18

Che ningo aikuaapa voi hembiapokuéra ha ipy’apýpe oĩva; og̃uahẽva’erã pe ára Che ambyatýtava opaite ñe’ẽ ha opaite tetã; ha oupa rire ohecháta hikuái che reko jajaipa.

Ezequiel 38:10

Péicha he’i Ñanderuete: Umi ára umívape heñóita nde py’apýpe pensamiénto vai ha rejaposéta mba’evaiete,

Matéo 12:15

Ha Hesu katu oikuaávo upéva, oho upégui. Ha heta tapichakuéra oho hapykuéri, Ha’e omonguera opaite hasývape.

Matéo 12:25

Ha Hesu oikuaágui ipy’apýpe oĩva, he’i: Umi tetã opu’ãva ha oiko vaíva ojoapytépe itapereva’erã, ha opaite táva térã óga opu’ãmbáva ojuehe ndahi’aremo’ãi.

Matéo 9:4

Ha Hesu oikuaapáva voi ojepy’amongetáva hikuái, he’i ichupekuéra: Mba’érehe piko pepensa vai pende py’apýpe (ko’ã pehechávare).

Márcos 8:17

Ha Hesu ohechakuaávo he’i ichupekuéra: Mba’érehepa peñoñe’ẽ’api ndapeguerúigui pan, napenemandu’ái ha napentendéi mba’eve gueteri piko, pendepy’a hatã gueteri ningo.

Lúcas 24:38

Hesu katu he’i ichupekuéra: Mba’érehe piko peñemondýi ha mba’épa pejepy’amongeta pende py’apýpe.

Lúcas 5:21

Ha umi oporombo’éva Moises rembiapoukapy ha fariseokuéra ojepy’amongeta ha he’i: Máva piko kóva oñemoĩva Ñanderuete rendaguépe. Máva piko ikatu operdona kuimba’e ha kuña angaipakuéra, Ñanderuete añómante ikatu.

Lúcas 5:23

Mba’épa hasyve ja’e hag̃ua ko kuimba’e kóvape: Ne rembiapo vai oñeperdonáma térã epu’ã ha eguata.

Apostolkuéra 5:3

Pédro katu he’i ichupe: Ananías, mba’érehe piko Satana omyenyhẽ nde py’apy, ndejapu hag̃ua Pytu Porãmbávape ha reñomi pe yvy repykuégui.

hebreoyguakuerape 4:12

Ñanderuete ñe’ẽ oikove, ipu’aka ha hakuave opaite kyse haimbe jováivagui, ha oike ánga ha pytu porã pa’ũ meve, omboja’o peve kangue joajuha ha karaku, ombojovake hag̃ua avei ñane pensamientokuéra ha ñande py’apy rembipota.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.