Lúcas 5:19

Ñanderuete Ñe’ẽ Porã 2015

Upeichavéramo jepe ndojohúi hikuái peteĩ tape, oñembyaty hetaitereígui hetãyguakuéra Hesu jerekuévo, upémaramo ojupi hikuái pe óga ape ári oipe’a hag̃ua umi téja ha omboguejy hag̃ua pe ijapáva hupa reheve Hesu oĩháme, hetãyguakuéra mbytépe.

Referencias Cruzadas

2 Samuel 11:2

Ojehu ningo peteĩ árape Israelguakuéra osẽ rire ñorãirõme, David opu’ã ka’aru hupágui ha oho oguata hóga ape ári, ha upeguive ohecha peteĩ kuña iporãitéva ojahuhápe.

Jeremías 19:13

Umi Jerusalen róga, ha umi Juda retã ruvicha róga, oikóta Tofetichaite, oñemongy’a ha oikuave’ẽ haguére mayma óga apére mba’e ryakuã porã umi mbyja ára peguápe ha oñohẽgui hikuái víno ikuave’ẽmby ramo ambue jarakuérape.

Matéo 10:27

Umi mba’e Che ha’éva peẽme pytũnguýpe, pejéta ára sakãhaitépe; ha pe Che ha’éva pende apysápe peguerosapukáita óga ape ári guive.

Matéo 24:17

ha upe oĩva hóga ári, ani oguejy ogueraha hag̃ua mba’eve hógagui.

Márcos 2:4

Ha ndaikatúigui oñemboja Hesu rendápe, oñembyatýgui heta génte, ombokua pe óga ape (técho) omboguejy hag̃ua upérupi pe hasývape hupa reheve, Hesu rendápe.

Deuteronómio 22:8

Remopu’ã ramo nde róga pyahurã, emongora nde róga ape ani hag̃ua reñemoangaipa, oĩ ramo ho’áva upégui ha omano.

1 Samuel 9:25

Ha oguejy rire hikuái pe yvy ijyvatevehágui pe távape, Samuel oñe’ẽ Saul ndive pe óga ape ári.