Lúcas 5:17

Ñanderuete Ñe’ẽ Porã 2015

Ha ojehu ningo peteĩ árape Hesu oporombo’e jave hína, oñembyaty avei heta fariseokuéra ha umi oporombo’éva Moises rembiapoukapykuéra ouva’ekue avei Hesu rendápe Galiléagui, Judágui ha Jerusaléngui ha oguapy hikuái ijypýpe. Ha Ñanderuete pu’aka oĩ Hesu ndive, Ha’e oporomonguerapa hag̃ua.

Referencias Cruzadas

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Matéo 15:1

Upéramo fariséo ha kuatia haiharakuéra ou Jerusaléngui Hesu rendápe ha oporandu hikuái ichupe he’ívo:

Márcos 1:45

Ha’e katu oho guive omombe’u ha omosarambi oparupiete pe ojehumava’ekue ichupe; upévarehe Hesu ndaikatuvéi ojechauka oimeraẽva távape, opytámante okaha rupi, desiertohápe, ha oparupígui ou hendápe.

Márcos 16:18

Pejapyhýrõ mbói ha pey’úrõ pohã vai oporojukáva, mba’eve ndojapomo’ãi penderehe, ha pemoĩrõ hasýva ári pende po, okueráta.

Márcos 3:22

Ha umi kuatia haihára oumava’ekue Jerusaléngui he’i: Ipype oĩ Beelzebu, kóva ningo aña ruvicha ha ha’e rupínte omosẽ mba’epochykuérape.

Márcos 5:30

Ha Hesu oñandu voi osẽ hague ichugui pu’aka, ha ojerévo hetãyguakuéra apytépe oporandu: Mávapa opokóra’e che ao rehe.

Márcos 7:1

Ha fariseokuéra ha kuatia haihára Jerusaléngui oúva oñemboja hendápe.

Lúcas 15:2

Umi fariséo ha umi oporombo’éva Ñanderuete ñe’ẽ oñe’ẽngururu hese he’ívo: Ko kuimba’e kóva oiko angaipavóra apytépe ha okaru avei hendivekuéra.

Lúcas 2:46

Ha ojohu hikuái ichupe pe ára mbohapyhápe oguapy jave Ñanderuete rogaguasúpe ohendúvo ha oporandúvo umi mbo’ehárape.

Lúcas 5:21

Ha umi oporombo’éva Moises rembiapoukapy ha fariseokuéra ojepy’amongeta ha he’i: Máva piko kóva oñemoĩva Ñanderuete rendaguépe. Máva piko ikatu operdona kuimba’e ha kuña angaipakuéra, Ñanderuete añómante ikatu.

Lúcas 5:30

Ha umi fariséo ha kuatia haihára oñe’ẽngururu Hesu remimbo’ekuéra rehe, he’ívo: Mba’érehe piko peẽ pekaru ha pey’u impuésto mono’õhára ha mba’evai apohára ndive.

Lúcas 6:19

Opavave oñeha’ãmba joa opoko hag̃ua hese, Hesúgui osẽ pu’aka oporomonguerapáva.

Lúcas 7:30

Fariseokuéra ha umi ombo’éva Moises rembiapoukapykuéra omboyke katu Ñanderuete rape pyahu hekoveteépe g̃uarã, upévare ndojebautizaukái Juan bautísmope.

Lúcas 8:46

Hesu katu he’i: Oĩ ningo peteĩ opokóva cherehe, añandúgui osẽ hague chehegui pu’aka.

Juan 3:10

Hesu ombohovái ichupe ha he’i: Nde ningo mbo’ehára herakuã tuicháva Judayguakuéra apytépe ha ndereikuaái piko ko’ã mba’e ko’ãva.

Juan 3:21

Umi ojapóva pe añetegua ou tesape rendýpe, ojehechauka hag̃ua hembiapo porã, ojejapóva Ñanderuete pu’aka rupi.

Apostolkuéra 19:11

Ha Ñanderuete ojapo milágro tuichaitéva Páblo rupi.

Apostolkuéra 4:30

Nde pu’aka rupi emonguera hasývape, ha ehechauka milágro ha techaukaha ne rembiguái heko porãva Hesu Crísto rupi.

Apostolkuéra 5:34

Upérõ peteĩ fariséo hérava Gamaliel oñembo’y ijapytépe, ha’e peteĩ mbo’ehára hetãyguakuéra omomba’éva, ha’e oguenohẽuka sapy’ami umi apóstolpe,