Lúcas 4:7

Ñanderuete Ñe’ẽ Porã 2015

Nde reñesũ ramo che renondépe ha reñembo’e ramo chéve, che amoĩmbáta nde poguýpe.

Referencias Cruzadas

Salmokuéra 72:11

Opaite tetã ruvichakuéra toñesũ henondépe, mayma tetã toiko hembiguái ramo.

Isaías 45:14

Péicha he’i pende Ruete: Egípto pirapire, Etiopía mba’erepyeta ha umi Sabaygua kuimba’ekuéra ijyvatetéva oupáta ne rendápe ha oikóta hikuái ne mba’etee ramo; oguatáta hikuái nde rapykuéri, cadéna hierroguigua reheve oupáta; oñakãitypáta ne renondépe ha omba’ejerure asýta ndéve ha he’íta: Añetehápe penendive oĩ yvága Jára ha ndaipóri ambue Jára, pende Ruetémante.

Isaías 46:6

Ha’ekuéra oguenohẽ óro ivoságui, ha oha’ã ipirapire balánzape, ome’ẽ ipirapire óro rehe omba’apóvape ojapo hag̃ua ijára gua’u ra’ãnga, upéi oñesũ henondépe omomba’eguasu hag̃ua ichupe.

Matéo 2:11

Ha oikévo pe tymba rógape, ohecha pe mitãme, isy María ndive, ha upépe ñesũháme omomba’eguasu hikuái pe mitãme. Uperiremínte oipe’a imba’eita: Óro, inciénso ha mírra (mba’e ryakuã porãva).

Lúcas 17:16

Ha’e ojeity yvýpe Hesu py renondépe ha oagradece ichupe, ha ko kuimba’e kóva ningo peteĩ Samariaygua.

Lúcas 4:6

Ha Satana he’i Hesúpe: Opaite ko’ã tetã ko’ãva, ipu’aka ha opaite imba’e porã reheve amoĩmbáta opaite ko’ã mba’e nde poguýpe, che poguýpe oñemoĩmava’ekue, ha che ame’ẽta ame’ẽsévape.

Lúcas 4:8

Hesu katu ombohovái ichupe: Ñanderuete kuatiañe’ẽme he’i: Nde reñembo’eva’erã Ñanderuetépe, ha ichupe añónte reserviva’erã, (Deuteronómio 6,13-14).

Lúcas 8:28

Ha’e ohechávo Hesúpe ojeity henondépe ha osapukái he’ívo: Mba’e piko areko che nendive, nde Hesu, pe Yvatevéva Jára Ra’y, che ajerure ndéve ani chemyangekõinte jepe.

Apocalípsis 22:8

Che ningo, Juan, ahendu ha ahecha ko’ã mba’e. Ha ahendu ha ahechapa rire ajeity pe yvága rembiguái py renondépe amomba’eguasu hag̃ua ichupe, ohechaukava’ekuégui chéve opaite ko’ã mba’e.

Apocalípsis 4:10

upevovete umi 24 karai ancianokuéra ojeity ovapývo pe Oguapýva renondépe ha Oikovéva ára atyguasukuéra guive umi ára atyguasurãme g̃uarã ha oity hikuái iñakã jeguaka pe guapyha renondépe ha he’i:

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.