Lúcas 4:34

Ñanderuete Ñe’ẽ Porã 2015

Mba’e piko ore roguereko nendive, nde Hesu Nazaretgua, rejúpa orehundívo; che roikuaa porã, Nde ningo Yvága Jára remimbou Heko porãva.

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

1 Réyes 17:18

Ha pe kuña he’i Elíaspe: Moõpa che ajavy nendive nde kuimba’e Ñanderuete reheguáva, rejupi piko ra’e che rendápe chemomandu’a hag̃ua che reko vai rehe, ha rejuka hag̃ua che membýpe.

Salmokuéra 16:10

Nderehejamo’ãi che ánga omanómava retãme, ha nderehejamo’ãi umi ojeroviáva nderehe oñehundi hag̃ua.

Daniel 9:24

Seténta áño semána (490 áño) oñemoĩ ne retã ha nde táva Jerusalen ári opa hag̃ua pe teko ñaña ha oñemyenyhẽ meve pe angaipa ryru, ha oñeperdona hag̃ua umi jejavy ha heko vai ojegueru hag̃ua justícia opave’ỹva, omoañetévo umi mba’e ojehechaukava’ekue payetépe ha pe profecía rupi, ojeporavo peve pe Heko potĩvape.

Matéo 8:29

Ha mokõivéva osapukái ha he’i: Mba’épa roguereko nendive, Nde Ñanderuete Ra’y. Rejúpa oremyangekõi hag̃ua og̃uahẽ mboyve ore ára.

Márcos 1:24

Mba’épa ore roguereko nendive, nde Hesu, Nazaret pegua. Rejúpa orehundi hag̃ua. Aikuaa porã mávapa nde: Nde ningo Yvága Jára Heko Porãitéva Ra’y.

Márcos 1:34

Ha Hesu omonguera heta hasývape, opaichagua mba’asýgui, omosẽ avei heta mba’epochýpe, ha ndohejái umi mba’epochy oñe’ẽ, ha’ekuéra ningo oikuaa voi mávapa Ha’e (Hesu).

Márcos 5:7

ha osapukái hatãvo he’i ichupe: Mba’épa che areko nendive, nde Hesu, pe Jára Ijyvatevéva Ra’y, ajerure asy ndéve, ani hag̃ua nde chemyangekõi.

Lúcas 1:35

Ha pe ángel ombohovái Maríape he’ívo: Pe Pytu Porãmbáva oguejýta ndeári ha pe Yvatevéva Pu’aka nemo’ãta, ha upévare ne memby vove embohéra ichupe Heko Porãva ha Ñanderuete Ra’y.

Lúcas 4:33

Ha Ñanderuete rógape oĩ peteĩ kuimba’e ipype oikóva peteĩ mba’epochy, ha kóva osapukái hatã he’ívo:

Lúcas 4:41

Osẽ avei heta mba’epochy, ha sapukaipópe he’i hikuái: Nde ningo Yvága Jára Ra’y, Ha’e katu okorõi mba’epochykuérape ha ndohejái ha’ekuéra oñe’ẽ. Ha’ekuéra oikuaa porã voi Hesu pe Cristoha.

Lúcas 8:28

Ha’e ohechávo Hesúpe ojeity henondépe ha osapukái he’ívo: Mba’e piko areko che nendive, nde Hesu, pe Yvatevéva Jára Ra’y, che ajerure ndéve ani chemyangekõinte jepe.

Lúcas 8:37

Ha opaite umi Gadára retãygua ojerure asy Hesúpe osẽ hag̃ua hetãgui, okyhyjepágui hikuái. Upéramo Hesu oike pe canóape oho hag̃ua.

Apostolkuéra 16:39

Upévare ou hikuái ha oñe’ẽporã Páblo ha Sílas ndive ha ojerure asy osẽ hag̃ua itávagui.

Apostolkuéra 2:27

Nderehejamo’ãigui che ánga aña retãme, ha Nde nderehejamo’ãi avei pe Heko Porãva retekue oñembyai hag̃ua.

Apostolkuéra 3:14

Peẽ katu pemboyke pe Heko Porãvape ha Heko peguávape, ha pejerure Hesu rendaguépe ojepoi hag̃ua peẽme Barrabas, peteĩ jukaháragui,

Apostolkuéra 4:27

Añetehápe oñembyaty hikuái ko táva Jerusalen kóvape, Heródes ha Póncio Piláto, tetã ambueyguakuéra ha Israelguakuéra ndive oñemoĩ hag̃ua nde poravopyre Hesu Crísto rehe.

hebreoyguakuerape 2:14

Ita’yrakuéra ho’o ha huguýgui, oñeme’ẽ avei Hesu Crístope to’o ha tuguy, imano rupi Ha’e ombopoguy hag̃ua Satanáme, pe ñemano jarakuépe,

Tiágo 2:19

Nde ningo reguerovia Ñanderuete peteĩha, ha rejapo porã; umi mba’epochy jepe oguerovia avei péva ha upévagui oryrýi, okyhyjeitereígui.

1 Juan 3:8

Pe hembiapo vaíva katu aña mba’e, pe aña oñemohembiapo vaígui ñepyrũ guive. Upévare ningo Ñanderuete Ra’y ou, ombyai hag̃ua aña rembiapo.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.