Lúcas 4:18

Ñanderuete Ñe’ẽ Porã 2015

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

2 Crónicas 34:27

reñembyasy ha reñemomirĩgui pende Ruete renondépe, rehendúvo ha rejeroviágui iñe’ẽ pohýi rehe Che ha’emava’ekue ko yvy kóva rehe ha remondorógui avei nde aokuéra ha nerasẽgui che renondépe, Che avei rohendúma, he’iuka ndéve pende Ruete.

Salmokuéra 102:20

Ohendu hag̃ua umi iñapytĩmbýva pyahẽ asy ha opoi hag̃ua umi ojejukátava guive,

Salmokuéra 147:3

Ha’e omonguera umi ipy’a ojekávape, ha ojokua jevy ipire oñekytĩ haguépe.

Salmokuéra 2:2

Opu’ã joa umi yvy pegua tetã ruvicha ha mburuvichakuéra oñemoĩ hag̃ua Ñanderuete rehe pe Ha’e oiporavova’ekuére (Hesu Crístore), ha he’i hikuái:

Salmokuéra 2:6

Che voi katu amoĩma ichupe tetã ruvicha Jerusalen guapyhápe, che cérro aiporavova’ekuépe.

Salmokuéra 34:18

Ñanderuete hi’ag̃ui umi ohasa asývagui, ha oipytyvõ umi oñembyasývape ojapo vai haguére.

Salmokuéra 45:7

Rehayhu justícia ha remboyke mba’evai, Ñanderuete, ndeporavova’ekue acéite reheve ne irũnguéra apytégui.

Salmokuéra 51:17

Pe kuave’ẽmby Nde, che Ruete, rehayhuvéva ningo pe yvyarigua toñembyasyete ojapo vai haguére ne renondépe (ha rehechase) peteĩ pytu ojekáva, peteĩ py’a oñemomirĩva ne renondépe, pévante Nde reha’ãrõreína yvyariguakuéragui.

Isaías 32:3

Umi tesa ohecháva naiñypytũmo’ãi, ha umi ojapysakáva ohendu porãta.

Isaías 35:5

Upérõ umi yvyarigua resa ohecha’ỹva ohecháta, ha umi apysa ohendu’ỹva ohendúta avei.

Isaías 42:7

Rehesape’a hag̃ua umi ohecha’ỹvape, reguenohẽ hag̃ua cárcelgui umi ipype oĩvape, ha pe óga ñeñapytĩ hágui umi oikóva iñypytũháme.

Isaías 45:13

Che voi ahenói Círope ojapo hag̃ua che rembipota, Che voi ambosako’i haperã, ha’e voi omopu’ã jevýta che táva, ha’e opoiuka jevýta che retãyguakuérape ojeguerahava’ekue jepokuapýpe pirapire ha jopoi’ỹre, he’i yvága atykuéra Jára.

Isaías 49:9

Nde ere hag̃ua umi ojepokuapývape: Pesẽ; ha umi iñypytũháme oikóvape eréta: Ojehechaukáta peẽme pende resaperã. Opaite tape ykére ojohúta hembi’urã ha umi yvy perõnguégui oikóta ikokuerã.

Isaías 50:4

Ñanderuete, yvága Jára, ome’ẽ chéve peteĩ juru amokyre’ỹkuaa hag̃uáicha ikane’õvape; Ha’e chemombáy meme pyhareve ha oñe’ẽ che apysápe ahendukuaa hag̃uáicha hemimbo’eteéva.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Isaías 59:21

Ko ñe’ẽ Che ame’ẽmava’ekue oikóta katuete, he’i pende Ruete: Che Pytu Porãite oĩhína ndeári, ha umi che ñe’ẽ amoĩva’ekue nde jurúpe, oĩva’erã nde juru ha nde ra’ykuéra jurúpe, he’i pende Ruete, ko ára kóva guive ha opaite ára peve.

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Isaías 66:2

Che po voi ojapopaiteva’ekue ko’ã mba’e ko’ãva, ha chendive opaite ko’ã mba’e oñepyrũmba, he’i pende Ruete; ha Che ama’ẽ’aína umi oñemomirĩvare, umi oñembyasývare ipytúpe ha umi oryrýivare ohendu guive che ñe’ẽ.

Ezequiel 9:4

ha he’i ichupe: Ehasa pe táva mbyte rupi, Jerusalen mbyte rupi, ha emoĩ peteĩ techaukaha (márca) umi yvyarigua syva rehe, ojepy’apýva ha ipyahẽ asýva opaite mba’evai ojejapóva rehe ko táva ryepýpe.

Daniel 9:24

Seténta áño semána (490 áño) oñemoĩ ne retã ha nde táva Jerusalen ári opa hag̃ua pe teko ñaña ha oñemyenyhẽ meve pe angaipa ryru, ha oñeperdona hag̃ua umi jejavy ha heko vai ojegueru hag̃ua justícia opave’ỹva, omoañetévo umi mba’e ojehechaukava’ekue payetépe ha pe profecía rupi, ojeporavo peve pe Heko potĩvape.

Sofonías 3:12

Ha ahejáta ndepype peteĩ tetã rembyre oñemomirĩva, imboriahúva ha añetehápe ojeroviátava Israel Jára réra rehe.

Zacarías 11:11

Ha upe ára upévape ambyai che ñe’ẽme’ẽ, upérõ ae umi ovecha joguahára ohechakuaa péva ningo ha’eha Yvága Jára ñe’ẽ.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Matéo 12:18

Pema’ẽ porãke che rembiguái aiporavova’ekue rehe, Ha’e ningo pe che ahayhúva, ha ombohorýva che ánga; che Pytu Yvága pegua amoĩ hi’ári, ha tetã ambueyguakuérape oikuaaukáta pe teko porã (justícia).

Matéo 12:20

ndojokamo’ãi pe takuára otiríva, ha nomboguemo’ãi pe tataindy inimbo hatatĩva, Ñanderuete rembipota ojejapopa peve, ha oñembojovakepa peve hekoitépe;

Matéo 4:16

umi tetãygua oikóva pytũnguýpe ohecha peteĩ tesape ndetuicháva ha umi oguapýva pe ñemano’ãme g̃uarã ohesape peteĩ tesape ndetuicháva, (Isaías 9,1-2).

Matéo 5:3

Ipy’a rory umi oikuaáva imboriahuha ipytu porãme, imba’e ningo Ñanderuete retãguasu.

Lúcas 4:17

Ha oñeme’ẽ ichupe pe proféta Isaías kuatiañe’ẽ ha Hesu oipe’ávo pe kuatiañe’ẽ, omoñe’ẽ ko ñe’ẽ kóva:

Lúcas 6:20

Ha Hesu ojesaupívo hemimbo’ekuéra rehe he’i: Pevy’aite peẽ mboriahukuéra, Ñanderuete retãguasu ningo pene mba’e.

Lúcas 7:22

Ha Hesu he’i ichupekuéra: Tapeho pemombe’u Juan Bautístape umi mba’e peẽ pehecháva ha pehendúva: Hesatũva ohecha jey, ijapáva oguata jey, iléprava okuera, ijapysapéva ohendu jey, omanomava’ekue oikove jey, mboriahukuérape oñemombe’u pe evangélio (marandu porã).

Juan 1:41

Andres ojoúvo ityke’ýra Simon Pédrope, he’i ichupe: Ore rojohúma pe Mesíaspe, he’iséva pe Crísto, ñande ñaha’ãrõva, Ha’e ningo Ñanderuete poravopyre.

Juan 12:46

Che ningo pe Tesape ha aju ko yvy apére, opaite cherehe ojeroviáva ani hag̃ua opyta pytũnguýpe.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Apostolkuéra 26:18

Rehesape’a hag̃ua ichupekuéra ha osẽ hag̃ua hikuái pytũgui oike hag̃ua tesape rendýpe, ha opoi hag̃ua hikuái Satanágui oñemboja hag̃ua Ñanderuete rehe, ha oñeperdona hag̃ua hembiapo vai, ha oñembyaty hag̃ua Hesu Crísto iglésiape, ojeroviágui hikuái Hesu Crísto rehe.

Apostolkuéra 4:26

Tetã ruvichakuéra opu’ã ha mburuvichakuéra oñembyaty oñondive oñemoĩ hag̃ua Ñanderuete ha pe Ha’e oiporavova’ekue rehe, (péva he’ise Hesu Crísto rehe. Salmokuéra 2,1-2).

Apostolkuéra 4:27

Añetehápe oñembyaty hikuái ko táva Jerusalen kóvape, Heródes ha Póncio Piláto, tetã ambueyguakuéra ha Israelguakuéra ndive oñemoĩ hag̃ua nde poravopyre Hesu Crísto rehe.

Colosayguakuérape 1:13

Ñanderuete ñaneguenohẽ Satana rembiapo ypytũ vai poguýgui ha ñandeguerova Ita’ýra ohayhuetéva retãguasúpe.

Tiágo 2:5

Che hermanokuéra pecherendúkena: Ndoiporavói piko Ñanderuete umi tapicha ohechakuaáva imboriahuha ipytu porãme; ko’ãva oñemomirĩ ha ojerovia porãgui Ñanderuetére omoingéta yvágape, ko’ã mba’e Ha’e oprometemava’ekue opavave ohayhúvape guive ichupe.

1 Pédro 2:9

Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).