Lúcas 4:17

Ñanderuete Ñe’ẽ Porã 2015

Ha oñeme’ẽ ichupe pe proféta Isaías kuatiañe’ẽ ha Hesu oipe’ávo pe kuatiañe’ẽ, omoñe’ẽ ko ñe’ẽ kóva:

Referencias Cruzadas

Lúcas 16:29

Abraham katu he’i ichupe: Ha’ekuéra oguereko Moises ha profetakuéra kuatiañe’ẽ, tohendu ha tojapo hikuái ojehaiuka haguéicha.

Lúcas 20:42

David voi ningo he’i Salmokuéra kuatiañe’ẽme: Ñanderuete he’i voi che Járape: Eguapy che akatúape,

Lúcas 4:16

Upéi oho Nazarétpe, Ha’e okakuaa haguépe, ha ijepokuaa háicha, oike sábado ára Ñanderuete rógape, ha opu’ã omoñe’ẽ hag̃ua Ñanderuete kuatiañe’ẽ.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Lúcas 4:20

Ha omboty jevy pe kuatiañe’ẽ ha ome’ẽ rire peteĩ tembiguáipe, Hesu oguapy. Ha opaite oúva guive Ñanderuete rógape ojesareko hese.

Apostolkuéra 13:15

Ha omoñe’ẽ rire Ñanderuete ñe’ẽ umi omyakãva pe cúlto he’i hikuái Páblo ha Bernabépe: Peẽ, ore ryvykuéra, peñe’ẽse ramo pemokyre’ỹ hag̃ua ñane retãyguakuérape peñe’ẽ katu.

Apostolkuéra 13:27

Umi oikóva Jerusalénpe ha imburuvichakuéra ndoikuaaséi ramojepe Hesu Crístope, Ha’e ojapopa umi ñe’ẽ oje’éva guive hese profetakuéra juru rupi ha omoñe’ẽva sábado arakuérape Ñanderuete rogakuérape.

Apostolkuéra 7:42

Ha Ñanderuete ojei ichuguikuéra ha oheja omomba’eguasu mbyjakuérape oĩva árare, ojehai háicha Ñanderuete kuatiañe’ẽme: Peẽ Israelgua peikuave’ẽ piko chéve kuave’ẽmbynguéra umi 40 áño pukukue desiértope.