Lúcas 4:1

Ñanderuete Ñe’ẽ Porã 2015

Hesu, henyhẽ Pytu Porãmbávagui, ojei ysyry Jordángui ha pe Pytu Porãmbáva ogueraha ichupe desiértope,

Referencias Cruzadas

1 Réyes 18:12

Ojehúne ág̃a che aha rire Acab rendápe, Ñanderuete ndereraha che aikuaa’ỹháme, ha amombe’úrõ Acábpe ha upéi ha’e nandejohúi ramo, katuete chejukáta, ha ne rembiguái ojerovia Ñanderuete rehe imitãite guive.

1 Réyes 19:4

Ha oike desiérto rehe peteĩ ára pukukue, ha oguapy peteĩ enébro yvyra guýpe; upépe ha’e omanose ha he’i: Iporãma, che Ruete, ehekýina chehegui che rekove, ndachereko porãvéi ningo che rukuéragui.

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Ezequiel 3:14

Ha pe Pytu Porãmbáva chemopu’ã ha chereraha; ha aha chepy’a ñembyasypópe, ha che ajepy’apy jave che angapýpe, Ñanderuete po katu oĩ hatã cheári.

Matéo 3:16

Hesu ojebautiza rire ha osẽvo ýgui ojepe’a pe yvága ha ojehecha Ñanderuete Pytu Porãitéva oguejyha oúvo pykasúicha Hesu ári.

Lúcas 2:27

Ha ou Ñanderuete rogaguasúpe, Pytu Porãmbávaoavisa haguére ichupe, ha ko Simeon og̃uahẽ Ñanderuete rogaguasúpe Jose, María ha Hesu ndive. Jose ha María oho ojapouka hag̃ua opaite mba’e Moises rembiapoukapy ojerure háicha.

Lúcas 3:3

Ha Juan Bautísta omombe’u opaite ysyry Jordan rembe’ýpe: Hetãyguakuéra ojohutaha perdon hi’angaipakuéragui oñembyasyete ramo ojapo vai haguére ha ojebautizauka ramo.

Lúcas 3:38

kóva Enos ra’yre, kóva Set ra’yre, kóva Adan ra’yre, kóvape Ñanderuete ojapova’ekue omoingove hag̃ua.

Lúcas 4:14

Ko’ã mba’e rire Hesu ojevy Galiléa departaméntope Pytu Porãmbáva pu’akapype, ha Hesu rerakuã porã oñemosarambi opaite ko departamentopýre.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Juan 1:32

Ha Juan he’ive: Che ahecháma pe Pytu Porãmbávapeoguejy ramoguare pykasúicha yvágagui ha opyta hi’ári.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Apostolkuéra 1:2

ojehupi peve Ha’e yvágape. Hesu ojehupi mboyve omombe’uka pe evangélio ijapostolkuéra rupive, Ha’e oiporavova’ekue Pytu Porãmbáva rupi.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Apostolkuéra 8:39

Ha ojupívo pe ýgui, Ñanderuete Pytu Porãite ogueraha Felípepe, ha pe Etiopiaygua ndohechavéi ichupe. Ha pe Etiopiaygua vy’apópe oguata ohóvo hape rupi.