Lúcas 3:8

Ñanderuete Ñe’ẽ Porã 2015

Pehechauka pende a (rembiapo porã) porã rupi, peñembyasyha añetehápe peiko vai haguére, ha anítei peñepyrũ peje pendejupe: Ore ru ningo Abraham. Che ningo ha’e voi peẽme Ñanderuete ikatuha omoingo ko’ã itágui jepe Abraham ra’yrãnguéra.

Referencias Cruzadas

Nehemías 5:11

Ajerure asy peẽme ko ára kóvape peme’ẽ jevy hag̃ua ichupekuéra ijyvy, iparralty, ijolivoty ha hogakuéra; ha peheja rei mba’e ra’ỹi, víno ha acéite, ha ani pejerure jevy mba’eve peiporuka haguére pende pirapire ichupekuéra.

Ezequiel 33:24

Kuimba’e ra’y, umi hembýva Israel retãgui he’i: Abraham ha’eñominteva’ekue, ñande katu ñañemomba’e ko yvy rehe; ñande katu ñandereta; ñandéve oñeme’ẽ ko yvy ñañemomba’e hag̃ua hese,

Matéo 21:43

Upévare Che ha’e peẽme: Ñanderuete retãguasu ningo ojepe’áta pendehegui, ha oñeme’ẽta peteĩ tetã ombohi’ava’erãvape.

Matéo 3:8

Pehechauka raẽ uvei hi’a pende py’apýpe pe ñembyasy añeteguáva peiko vai haguére.

Matéo 3:9

Ha ani pejétei pendejupe: Abraham ningo ore ru, Che katu ha’e peẽme: Ñanderuete omopu’ãkuaaha Abrahámpe ita’yrarã ko’ã itágui jepe.

Lúcas 13:25

Pe óga jára opu’ã rire omboty hag̃ua hokẽ peẽ peñepyrũta pepyta okẽ renondépe ha pembotáta pe okẽ pejévo: Ore Jára, eipe’ána oréve ne rokẽ; Ha’e katu ombohováita peẽme he’ívo: Che ndapoikuaái, mamoguápa peẽ.

Lúcas 13:26

Ha peñepyrũta peje: Nde rovake ningo ore rokaru ha roy’úmi, ha ore távape Nde voi orerekombo’eva’ekue.

Lúcas 14:9

upéicharõ oúta pe ogajára nemotĩ, ome’ẽvo opavave rovake nde guapyha nde rapichápe ha nde reguapyva’erã pe mesa apyka ipaha peguápe.

Lúcas 19:40

Hesu katu he’i ichupekuéra: Che ningo ha’e peẽme: Ko’ãva okirirĩ ramo umi itakuéra jepe osapukaiva’erã.

Lúcas 19:9

Upérõ Hesu he’i ichupe: Ko ára kóvape ojesalva ko óga jára, ha’e ningo avei Abraham ñemoñare.

Lúcas 5:21

Ha umi oporombo’éva Moises rembiapoukapy ha fariseokuéra ojepy’amongeta ha he’i: Máva piko kóva oñemoĩva Ñanderuete rendaguépe. Máva piko ikatu operdona kuimba’e ha kuña angaipakuéra, Ñanderuete añómante ikatu.

Juan 8:33

Ha ambue Judaygua ombohovái Hesúpe ha he’i: Ore ningo Abraham ñemoñarenguéra ha máramo ndoroikói avave rembiguái ramo; mba’érehe piko nde ere: Penemosãsóta.

Juan 8:39

Ha’ekuéra he’i: Ore ru ningo Abraham. Hesu katu ombohovái ichupekuéra he’ívo: Peẽ Abraham ra’ykuéra ramo, peẽ pejapova’erãmo’ã avei Abraham rembiapokue.

Apostolkuéra 26:20

Amombe’u hag̃ua Damáscope raẽ, ha upéi Jerusalenguakuéra ha Judayguakuérape, ha tetã ambueyguakuérape avei, tojevy Ñanderuete rendápe, ha tojapo tembiapo iporãva, ohechauka hag̃ua añetehápe oñemoambuemaha hekove,

Romayguakuérape 4:16

Upévare pe promésa Ñanderuete ome’ẽmava’ekue Abrahámpe oñemoañete hag̃ua umi Ñanderuete rehe ojeroviáva rekovépente. Ñanderuete ome’ẽ ipromésa peteĩ jopói ramo (regálo ramo), ndaha’éi kuimba’e rembiapo porã rupi. Ha péicha ko promésa kóva opyta opaite Abraham ñemoñarenguérape g̃uarã, umi Judaygua oñekytĩ’ova’ekuépe, ojeroviágui hikuái, ha avei umi tetã ambueygua oñekytĩ’o’ỹvape, ojeroviágui avei Ñanderuete rehe.

Romayguakuérape 9:7

Ha ndaopavavéi Abraham ñemoñare, ni Abraham ra’y añeteguáva. Ñanderuete ningo he’i Abraham ha Sárape: Isaac rupímante pe ta’yratee Che aiporavomava’ekue, (Génesis 21,12).

Filipoyguakuérape 1:11

ha tapenerenyhẽ teko heko peguávagui, hi’a hetáva Hesu Crísto rupi, ñamomba’eguasu hag̃ua Ñanderuete reko jajaipa.