Lúcas 3:16

Ñanderuete Ñe’ẽ Porã 2015

Upérõ Juan he’i opavave renondépe: Che ningo añetehápe pobautiza ýpe, che rapykuéri katu ouhína pe Ipu’akavéva chehegui, ndaijái chéve ajora hag̃ua isapatu sãnte jepe, Ha’e pendebautizáta Pytu Porãmbáva ha tata reheve.

Referencias Cruzadas

Mga Kawikaan 1:23

Pejevýke, pehendu hag̃ua che ñe’ẽ pohýi; péina ápe Che añohẽta che Pytu Porãite pendeári, ha aikuaaukáta peẽme che ñe’ẽ arandu.

Isaías 32:15

Oñeñohẽ meve Pytu Porãite yvate pegua ñandeári pe ñu perõgui oiko jevýta kokue porã oñeñemitỹ hag̃ua, ha pe kokue porãgui oiko jevýta ka’aguy porã.

Isaías 4:4

Ñanderuete ojohéi rire Sion rajykuéra mba’e ky’a ha omopotĩ rire ijapytégui Jerusalengua ruguy iñembojovake ha ijehavira rupi,

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Matéo 3:11

Che ningo pobautiza ýpe pejevy hag̃ua (Ñanderuete rendápe), upe oútava che rapykuéri katu ipu’akaiteve chehegui, ha ndaijái chéve ajora hag̃ua isapatusãnte jepe, Ha’e pendebautizáta Pytu Porãmbáva ha tatápe.

Matéo 3:12

Iñyrupẽ oĩma ipópe, omopotĩ porã hag̃ua ikóga’a; Ha’e ombyatýta pe trígo iñongatuhápe ha ohapýta pe kapi’i tata ogue’ỹvape araka’eve.

Juan 1:26

Juan ombohovái: Che aporobautiza ýpente. Pende apytépe katu oĩma pe ouva’erãva ha peẽ ndapeikuaáiva.

Juan 1:27

Ha’e voi ningo pe oúva che rapykuéri, ndaijái katu chéve ajora hag̃ua isapatu sãnte jepe.

Juan 1:33

Che ndaikuaái ichupe, upe chembouva’ekue aporobautiza hag̃ua ýpe, katu he’i chéve: Nde rehecha ramo peteĩ kuimba’e ári oguejy ramo pe Pytu Porãmbáva ha opytáva hi’ári, péva ningo pe oporobautizátava Pytu Porãmbávape.

Juan 7:38

Upe ojeroviáva cherehe, Ñanderuete kuatiañe’ẽ he’i háicha, ipy’apýgui osyrýta y tuicha sakã oporomoingovéva.

Apostolkuéra 1:5

Juan Bautísta obautizava’ekue ýpe, peẽ katu pejebautizava’erã pe Pytu Porãmbávape mbovymi ára riremínte.

Apostolkuéra 10:44

Ha Pédro he’i jave gueteri ko’ã ñe’ẽ, opaite oñembyatýva ári ho’a pe Pytu Porãmbáva.

Apostolkuéra 2:33

Ñanderuete ningo omboguapy ichupe ijakatúape ha Ha’e ome’ẽ avei Hesúpe promésa pe Pytu Porãmbáva outaha, ha ko’ág̃a Hesu oñohẽma avei pe Pytu Porãmbáva tetãyguakuéra ári.

1 Corintoyguakuérape 12:13

Pe Pytu Porãmbáva añómente ningo ñande jajebautizava’ekue jaiko hag̃ua peteĩ tete ramo, taha’e Judaygua, térã tetã ambueygua; taha’e tembiguái térã patron; opavave ñande jajebautizava’ekue pe Pytu Porãmbáva rupínte.