Lúcas 3:11

Ñanderuete Ñe’ẽ Porã 2015

Juan ombohovái ichupekuéra ha he’i: Upe icamisa mokõiva tome’ẽ oguereko’ỹvape, ha upe hembi’úva, tome’ẽ upe oguereko’ỹvape.

Referencias Cruzadas

Ezequiel 18:7

ha’e ndojopy asýi avavépe, mba’eporukaharépe ha’e ome’ẽ jevy imba’erepy oiporuva’ekue, ha’e nomondái, ha’e ome’ẽ hembi’úgui iñembyahýivape ha omonde ijopívovape,

Daniel 4:27

Upévagui ajerure che retã ruvichápe, ejapo che ha’étava ndéve: Ne angaipa rendaguépe eporoporiahuvereko ha embojovake hekópe, ha nde reko ñaña rendaguépe eipytyvõ umi imboriahúvape, umi mba’e rupi ikatu rembopukumive jevy nde py’aguapy.

Matéo 25:40

Ha pe Tetã Ruvicha he’íta: Añetehápe Che ha’e peẽme, pejapógui péicha peteĩva che hermáno michĩva rehe jepe, cherehe pejapókuri.

Lúcas 11:41

Peme’ẽ katu pende pirapire mboriahukuérape py’aporã reheve, ha pende py’apy iporã ramo opaite pene rembiapo pejapóva guive pende rete rupi iporãmbáta avei.

Lúcas 18:22

Hesu ohendúvo péva, he’i ichupe: Hemby gueteri ndéve peteĩ mba’e rejapoveva’erãva, evendepa reguerekóva guive ha eme’ẽ mboriahukuérape, ha nemba’e retáta yvágape, upéi eju che rendápe ha chemoirũ.

Lúcas 19:8

Zaquéo katu oñembo’y ha he’i: Che Jára, amboja’óta che mba’e reta mbyte rupi, ame’ẽ hag̃ua mboriahukuérape peteĩ mbytekue, ha umi che ambotavyva’ekuépe, amyengoviáta ichupekuéra irundy jevyve pe pirapire aipe’a reiva’ekue ichuguikuéra.

Juan 13:29

Ijapytépe oĩ umi oimo’ãva Júdas oñangarekógui pirapire rehe, Hesu he’i hague ichupe: Ejogua ñaikotevẽva pe areterãme g̃uarã, térã ome’ẽ hag̃ua pirapiremi imboriahúvape g̃uarã.

Apostolkuéra 10:2

Cornélio ha opaite hogayguakuéra omomba’éva Ñanderuetépe ha oñemomirĩva henondépe, ha’e oipytyvõ mboriahukuérape ipirapire rupi ha oñembo’ehína Ñanderuetépe.

Apostolkuéra 10:31

Ha péva he’i chéve: Cornélio, ne ñembo’e ha ne ñepytyvõ reme’ẽva mboriahukuérape Ñanderuete ohendúma ha ohechapáma.

Apostolkuéra 10:4

Ha Cornélio oma’ẽ hatãvo hese oporandu ichupe kyhyjepópe: Mba’e piko oime, che jára. Ha pe ángel ombohovái ichupe: Ne ñembo’e ha ne ñepytyvõ reme’ẽva mboriahukuérape ojupíma kuave’ẽmby ñemandu’a reheguáva ramo Ñanderuete renondépe.

Efesoyguakuérape 4:28

Upe omondáva anive omonda, toñeha’ãmba uvei omba’apo hag̃ua ipo rupi, ome’ẽkuaa hag̃ua upe oikotevẽvape.

1 Timotéope 6:17

Umi mba’eita oguerekóvape, che ha’e, ani hag̃ua oñembotuicha ha anítei ojerovia imba’eita rehe, imba’eita ohasakuaa pya’eiterei, tojerovia uvei Ñanderuete rehe, ome’ẽva ñandéve heta mba’e javy’a hag̃ua,

1 Timotéope 6:18

ha ojapo hag̃ua hikuái tembiapo porã, ombyaty heta peve, tomboja’o umi mba’e oguerekóva ambuekuéra ndive, toiporoporiahuvereko,

hebreoyguakuerape 6:10

Ñanderuete ndojapói mba’eve hekope’ỹ, upévare Ha’e ndahesaráiri avei pene rembiapo porã ha pene mborayhúgui pehechaukava’ekue héra rehehápe, peipytyvõ ramoguare pene hermanokuérape, ha peipytyvõ gueteri pehóvo ichupekuéra.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.

Tiágo 2:14

Ma’erãpa iporã, che hermanokuéra, peteĩ he’i ramo oguerekoha pe jerovia, hekovépe katu ndojejohúi tembiapo iporãva. Ikatúnepa peichagua jerovia osalva ichupe.

1 Juan 3:17

Oime ramo peteĩ oiko porãva ha ohechárõ iñermáno ohasa asyha ha ombotýrõ ipy’apy ichugui, mba’éichapa upéicharõ Ñanderuete mborayhu opytakuaa ipype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.