Lúcas 24:41

Ñanderuete Ñe’ẽ Porã 2015

Ndogueroviapái gueteri, ovy’a ha ipy’andýigui hikuái Hesu he’i ichupekuéra: Ndapeguerekói piko michĩmi tembi’u ha’u hag̃ua.

Referencias Cruzadas

Job 9:16

Ahenói ramo ichupe ñembojovake rendápe, ha Ha’e cherendu ramojepe, ndagueroviaichéne ohendutaha che ñe’ẽ.

Márcos 16:11

Ha’ekuéra ohendúvo Hesu oikove jevyha ha María ohecha hague ichupe ndogueroviái ichupe.

Márcos 16:13

Ha ha’ekuéra oho omombe’u ambuekuérape, ha avave ndogueroviái ichupekuéra.

Márcos 16:14

Ipahápe Hesu ojechauka umi 11-pe, oĩ jave hikuái mesápe, ha oja’o ha omongavaju ichupekuéra ndogueroviái haguére umi ohechamava’ekuépe ichupe.

Márcos 8:7

Oguereko avei hikuái mbovymi pira, ha ome’ẽuka avei umíva.

Lúcas 24:11

Hesu remimbo’ekuérape katu ko’ã mba’e ojogua itarováva ñe’ẽme, ha ndogueroviái hikuái ichupekuéra.

Lúcas 24:40

He’ipávo péva, ohechauka ichupekuéra ipo ha ipykuéra.

Lúcas 24:42

Ha ome’ẽ hikuái ichupe pira mbichypyre pehẽnguemi.

Juan 16:22

Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.

Juan 21:5

Upérõ Hesu he’i ichupekuéra: Che ra’ykuéra, peguenohẽ piko pirakuéra. Ombohovái hikuái: Mba’evete katu noroguenohẽi.

Apostolkuéra 12:14

Ha ohendúvo Pédro ñe’ẽ, oñani vy’apópe ambuekuéra oĩháme, oipe’a’ỹre pe okẽ, ha he’i ichupekuéra: Pédro oñembo’y okẽ renondépe.