Lúcas 24:4

Ñanderuete Ñe’ẽ Porã 2015

Ha ñemondyipópe opyta hikuái, upevove oñemboja hendápe mokõi kuimba’e ijao mimbipáva.

Referencias Cruzadas

Genesis 18:2

Ha ojesaupívo oma’ẽ, ha péina ohecha ijypýpe mbohapy kuimba’e; ha ohechávo ichupekuéra, ha’e osẽ hóga hymba pirekueguigua rokẽgui, ha ñaniháme oho omomaitei hag̃ua ichupekuéra, ha oñakãity yvýre henondepekuéra,

Márcos 16:5

Oike hikuái pe tyvy ryepýpe, ha ohecha peteĩ karia’y oguapyvahína akatúa gotýo, ijao morotĩmbáva, ha tuichaiterei oñemondýi ha okyhyje hikuái.

Lúcas 2:9

Ha peteĩ ángel ojehechauka ichupekuéra, ha Ñanderuete reko jajaipa ohesape ijerekuévo ha okyhyjeiterei hikuái.

Lúcas 24:5

Ha kyhyjepópe itĩndy hikuái yvýre, upérõ umi mokõi kuimba’e oporandu ichupekuéra: Mba’érehe piko peheka pe oikovéva omanóva apytépe.

Apostolkuéra 1:10

Ha oma’ẽ jave hikuái Hesúre ojupi ohóvo yvágape, oñemboja sapy’a mokõi ángel ijao morotĩva hendapekuéra,

Apostolkuéra 12:7

Ojehecha sapy’a peteĩ ángel Ñanderuete omboúva Pédro rendápe tesape rendýpe, omombáy Pédrope opokóvo ijyképe, he’ívo ichupe: Pya’e epu’ã, ha upevovete umi cadéna ho’a rei ipokuéragui.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.