Lúcas 23:53

Ñanderuete Ñe’ẽ Porã 2015

Ha’e omboguejy Hesu retekue ikurusúgui ha oñu’ã hetekue peteĩ savanáme ha omoĩ peteĩ itaguasu sepultúra jurúpe, ojejo’oramóva ha noñeñotỹi gueteri avavépe.

Referencias Cruzadas

Isaías 53:9

Ha’ekuéra ojuka ichupe tekove ñaña apytépe, ha hetekue oñeñotỹ ipirapire hetáva ndive, Ha’e ndojapói ramojepe mba’eve ivaíva, ha ijurúpe ndaipóri ramojepe japu.

Márcos 15:46

Upérõ Jose omboguejy Hesu retekue pe kurusúgui, oñu’ãmba peteĩ savana ojoguaramóvape, ha omoĩ ichupe ityvýpe (isepultúrape) ojejo’ova’ekue itaguasúpe, ha ombyapajeréi peteĩ ita pohýi omboty hag̃ua pe tyvy (sepultúra) juru.

Lúcas 23:52

Ko Jose kóva oho Piláto rendápe ha ojerure ichupe Hesu retekue rehe.

Lúcas 23:54

Ha opaite ko mba’e kóva ojehu viérnes sánto árape.

Juan 19:41

Hesu oñemosãingo hague ypýpe ningo oĩ peteĩ yvotyty, ha pe yvotytýpe oĩ peteĩ itakuaguasu ojejaporamóva oñeñotỹ hag̃ua, ha ipype omoĩ hikuái Hesu retekue. Pe tyvy péva ndojeporúi gueteri.

Apostolkuéra 13:29

Ojapopávo hikuái umi mba’e ojehaiva’ekue Hesu rehe, omboguejy hetekue kurusúgui omoĩ hag̃ua peteĩ itakuaguasúpe.