Lúcas 23:5

Ñanderuete Ñe’ẽ Porã 2015

Ha’ekuéra he’i Pilátope: Ha’e oipota opaite Israelguakuéra oñemoĩ Róma retã ruvichaguasu rehe, oñepyrũ Galiléa guive og̃uahẽ meve Judéa peve.

Referencias Cruzadas

Salmokuéra 22:16

Jaguakuéra oĩ che jerekuévo, kuimba’e cherayhu’ỹva ojerepa cherehe, tekove ñañáva aty chemongora leõnguéraicha, Nde chemoñeno ñemano yvy timbópe.

Salmokuéra 57:4

Che rekove oĩ leõnguéra apytépe, cherayhu’yỹva apytépe, hãinguéra ojogua hu’y ha yvyra puku akuápe, ha ijuru ojogua kyse pukúpe.

Salmokuéra 69:4

Cherayhu’ỹva hetave che akã raguégui, ipu’akapave umi cherehe ija’e’ỹva, umi chehundiséva reiete og̃uahẽ che rendápe. Ha he’i hikuái amyengovia’arãha umi mba’e che namondaiva’ekue.

Matéo 11:1

Ha Hesu ohekombo’e rire umi 12 hemimbo’ekuérape oho upégui, oporombo’e ha oikuaauka hag̃ua avei ambue tavakuéra uperupiguápe.

Matéo 2:1

Hesu onacékuri Belénpe, Júda departaméntope, Heródes oiko umi árape tetã ruvicha ramo, upérõ og̃uahẽ karaikuéra iñarandúva kuarahyresẽguio Jerusalénpe.

Matéo 27:24

Ha Piláto ohechávo, mba’eve nosẽi hague ha’e oipota háicha, ha apañuãi oikotaha, ogueruka y ha ojepohéi tetãyguakuéra renondépe, ha he’i: Che ánga ipotĩ ko heko potĩva ruguýgui. Pejehecha peẽ pendejehe.

Matéo 4:23

Ha Hesu oguata Galiléa departaménto tuichakue rupi, ombo’e hag̃ua Ñanderuete rogakuérape, omyasãi Ñanderuete evangélio (marandu porã) ha omonguera opaichagua hasývape ojeguerúva guive hendápe.

Márcos 1:14

Juan ho’a rire cárcelpe, Hesu oho Galiléape omyasãi hag̃ua Ñanderuete ñe’ẽ porãite.

Lúcas 11:53

Ha Hesu osẽ rire upégui, umi oporombo’éva Ñanderuete ñe’ẽ ha fariseokuéra ipochyete ha oñemoĩ hese ha ojopyse ichupe heta porandu ñuhã reheve.

Lúcas 23:23

Ha’ekuéra katu sapukaipópe ojerure hatã jey jey oñemosãingo hag̃ua Hesúpe kurusúre, ha ipahápe ipu’aka hese.

Lúcas 23:6

Piláto ohendúvo péva, oporandu Hesúpe: Nde piko peteĩ Galileaygua.

Juan 1:43

Ára ambuépe Hesu Crísto ohokuévo Galiléape ojohu Felípepe ha he’i ichupe: Eju che rapykuéri, chemoirũ hag̃ua.

Juan 19:15

Upémaramo Judayguakuéra osapukái joa: Eraha, eraha ha emosãingo ichupe kurusúre. Piláto katu ombohovái ichupekuéra: Che piko ajukaukáta pene retã ruvichápe. Umi pa’i ruvichakuéra katu ombohovái ichupe: Ore roguereko peteĩnte mburuvichaguasu, oguapýva Róma retã ruvicha guapyhaguasúpe.

Juan 2:11

Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.

Juan 7:41

Ambuekuéra katu he’i: Kóva ningo pe Crísto voi, ambueve katu he’i: Galiléagui piko oúne pe Crísto.

Juan 7:52

Ombohovái hikuái ichupe ha he’i: Nde piko Galileaygua avei. Ehekánte Ñanderuete kuatiañe’ẽme ha rehechava’erã Galiléagui ndoumo’ãiha pe Crísto.

Apostolkuéra 10:37

Peẽ ningo peikuaa voi umi mba’e ojehuva’ekue Judéa departaméntope, pe oñepyrũva’ekue Galiléa departaméntope Juan Bautísta bautísmo rupi.

Apostolkuéra 23:10

Oikógui ñe’ẽjoapi ndetuicháva, pe soldádo ruvicha okyhyje ojukárõ g̃uarã hikuái Páblope, upévare ogueruka hetave soldadokuérape oguenohẽ hag̃ua ichupe Judayguakuéra apytégui ha ogueraha jevy hag̃ua Páblope soldadokuéra rogaguasúpe.

Apostolkuéra 5:33

Ha’ekuéra ohendúvo umi mba’e, ipochyeterei ha ojukase ichupekuéra.

Apostolkuéra 7:54

Ha hetãyguakuéra ohendúvo ko Estéban ñe’ẽ kóva ipochyete rasa ipy’apýpe ha omopururũ hãinguéra.

Apostolkuéra 7:57

Upémaramo omboty ijapysakuéra ha sapukaipópe ojeity joa hi’ári.