Lúcas 23:2

Ñanderuete Ñe’ẽ Porã 2015

Ha oñepyrũ omoĩ vai hag̃ua hikuái Hesúpe mburuvicha Piláto renondépe, he’ívo: Rojohu ningo pe ombyaíva ñane retã. Ha’e he’i norome’ẽiva’erãha impuésto Róma retã ruvichaguasúpe, ha he’i avei ijehe ha’eha pe Crísto, Israel retã ruvichaguasu.

Referencias Cruzadas

1 Réyes 18:17

Acab ohechávo Elíaspe he’i ichupe: Nde piko Israel mbyaihára.

Salmokuéra 35:11

Opu’ã cherehe umi techahare iñañáva ha oporandu chéve hikuái umi mba’e aikuaa’ỹva rehe.

Salmokuéra 62:4

Ha’ekuéra chereitysénte pe cérrogui. Ohayhu ningo hikuái pe japu, ijurupekuéra cherovasa, ipy’apýpe katu chemaldeci. Selah

Jeremías 20:10

Ahendu heta ñe’ẽ guata, opa rupi oĩ kyhyje: Jagueraha ichupe oñembojovake hag̃ua. Mayma che angirũnguéra (amigokuéra) jepe oma’ẽ joa cherehe jahechapa nañepysãngái. Ikatúnte oñembotavyuka, he’i hikuái, ñandepu’akáta hese, ha ñamyengoviapáta ichupe.

Jeremías 38:4

Ha he’i umi mburuvicha tetã ruvichápe: Ko kuimba’e omanova’erãmante, ỹrõ omokangypáta ñande soldádo hembýva gueteri ko távape, ko’ã ñe’ẽ rupi omokangýta avei opaite tetãyguakuérape; ko kuimba’e ndohekái py’aguapy ko tetãme g̃uarã, mba’evaínte oheka ñandéve guarã.

Amos 7:10

Upéi pe pa’i Amasías, Betel pegua, he’iuka Jeroboam, Israel retã ruvichápe: Amos opu’ã nderehe Israel retãygua apytépe, pe tetã ndaipu’akamo’ãvéi iñe’ẽ rehe.

Zacarías 11:8

Ha peteĩ jasýpe amosẽ mbohapy ovecha rerekua chembopochývape, oñemoĩ haguére cherehe.

Matéo 17:27

Ha ani hag̃ua ñambopochy ichupekuéra, tereho yguasúpe eity ne pinda, ha upe pira reguenohẽ tenondéva embojurupe’a, ha rejohúta pe pirapire ñande mokõivépe g̃uarã, ejapyhy ha eme’ẽ ichupekuéra, cherehe ha nderehe avei.

Matéo 22:21

Ha he’i ichupe hikuái: César mba’e. Upévo Hesu he’i ichupekuéra: Peme’ẽ Césarpe, César mba’éva, ha Ñanderuetépe, Ñanderuete mba’éva.

Matéo 27:11

Ha Hesu oĩhína ñembo’yhápe, Piláto, pe tetã sãmbyhyhára renondépe, ha ha’e oporandu Hesúpe: Nde piko Judayguakuéra retã ruvicha. Ha Hesu he’i ichupe: Añete, Che ha’e.

Márcos 12:17

Upérõ Hesu he’i ichupekuéra: Peme’ẽ Césarpe, César mba’éva, ha Ñanderuetépe, Ñanderuete mba’éva. Ha heta opyta ohecharamo joa ko’ã mba’e.

Márcos 15:2

Piláto oporandu ichupe: Nde piko Júda retã ruvicha. Ha Hesu ombohovái: Heẽ, Che ha’e.

Lúcas 23:14

ha he’i ichupekuéra: Peẽ pegueru che rendápe ko kuimba’épe ha peje Ha’e ombyaiha pene retã ha peipota che acondena ichupe, che katu ndajohúi hekovépe mba’eve ivaíva ajukauka hag̃ua ichupe.

Lúcas 23:5

Ha’ekuéra he’i Pilátope: Ha’e oipota opaite Israelguakuéra oñemoĩ Róma retã ruvichaguasu rehe, oñepyrũ Galiléa guive og̃uahẽ meve Judéa peve.

Juan 18:29

Upévare Piláto osẽ hógagui ha oporandu ichupekuéra: Mba’e piko ojapo ko kuimba’e kóva, mba’épa peje hese.

Juan 18:30

Ha’ekuéra ombohovái ichupe: Kóva nahembiapo vaíri rire ndoromoĩriva’erãmo’ã nde pópe.

Juan 19:12

Upete guive Piláto oñeha’ãmba opoi hag̃ua Hesúgui, umi Judaygua katu osapukái joa ha he’i: Repoi ramo kóvagui, nde ndaha’emo’ãvéima Róma ruvichaguasu rayhupára. Opaite ojejapóva ijehegui rei mburuvichaguasu ramo oñemoĩ Róma ruvichaguasu rehe.

Apostolkuéra 24:13

Ha’ekuéra ndaikatúi ohechauka hi’añeteha umi mba’e he’íva guive hikuái cherehe.

Apostolkuéra 24:5

Ore rojohu ko kuimba’e kóvape, oikohahína peteĩ mba’asy vaívaicha, ha’e oñemoĩ opaite mburuvichakuéra rehe. Ha’e ningo omoakã ha oiko avei umi Nazaretguakuéra ruvicha ramo.

Romayguakuérape 13:7

Upévare peme’ẽva’erã hekópe opavavépe umi mba’e peme’ẽva’erãva. Peme’ẽva’erã ramo impuésto, peme’ẽva’erã hekópe; pehepyme’ẽ (pepagava’erã) ramo pe aduanérope, pehepyme’ẽva’erã hekópe; peme’ẽva’erã ramo respéto, peme’ẽva’erã tova mokõi’ỹre; ha pemomba’eva’erã ramo, pemomba’eva’erã tova mokõi’ỹre.