Lúcas 22:61

Ñanderuete Ñe’ẽ Porã 2015

Ha Hesu ojerévo oma’ẽ Pédro rehe. Upérõ ae Pédro imandu’a Hesu ñe’ẽngue rehe, Ha’e he’iva’ekue ichupe: Ange pyhare, pe gállo osapukái mboyve, nde chembotovéta mbohapy jevyve.

Referencias Cruzadas

Job 33:27

Ha’e opurahéi jevýta hapicha aty renondépe ha he’íta: Añemohembiapo vai ha che reko ivai, Ñanderuete katu cheperdona ha nomyengoviái chéve che rembiapo vaikue.

Ezequiel 16:63

Ikatu hag̃uáicha nemandu’a ha retĩ, ha araka’evéma nderejejurupe’amo’ãvéima retĩetereígui, ág̃a Che roperdona vove opaite mba’e rejapo vaiva’ekuégui, he’i pende Ruete.

Oséas 11:8

Mba’éicha piko apoíta ndehegui Efrain. Che piko ambotovéta Israélpe. Ajapo nga’u piko nderehe ajapo haguéicha Adama ha Zeboim rehe (Deuteronómio 29,23). Che py’a ojepoka che retepýpe, Che voi roiporiahuverekoitereígui ndéve.

Matéo 26:34

Ha Hesu he’i ichupe: Añetehápe Che ha’e ndéve, ko pyharépe pe gállo osapukái mboyve, nde eréta mbohapy jevy ndachekuaaiha.

Matéo 26:75

Ha upépe ae Pédro imandu’a Hesu ñe’ẽ rehe he’ívo ichupe: Pe gállo osapukái mboyve, nde eréta mbohapy jevy ndachekuaaiha, ha osẽvo upégui, ojahe’o asy ipy’aite guive.

Márcos 5:30

Ha Hesu oñandu voi osẽ hague ichugui pu’aka, ha ojerévo hetãyguakuéra apytépe oporandu: Mávapa opokóra’e che ao rehe.

Lúcas 10:41

Hesu katu he’i ichupe: Márta, Márta, nde rejepy’apy heta mba’e rehe ha reñemoangekõiete;

Lúcas 22:34

Hesu katu he’i ichupe: Cháke Pédro, pe gállo osapukái mboyve ko pyhare kóvape, nde chembotovéta (chenegáta) mbohapy jevy, ha eréta: Che ndaikuaái ichupe.

Lúcas 22:60

Pédro katu ombohovái ichupe, ha he’i: Nde kuimba’e, ndaikuaái pe nde eréva. Ha, Pédro oñe’ẽ jave gueteri, pe gállo osapukái.

Lúcas 22:62

Ha Pédro osẽ okápe ojahe’o soro.

Lúcas 7:13

Ha Hesu ohechávo pe viúdape, oiporiahuverekoiterei, ha he’i ichupe: Ani rejahe’o.

Lúcas 7:19

omondo hag̃ua ichupekuéra Hesu rendápe, oporanduhávo ichupe: Nde piko upe ouva’erãva, térãpa roha’ãrõveva’erã gueteri ambuépe.

Juan 13:38

Hesu katu ombohovái ichupe: Nde rekove piko cherehehápe reme’ẽse. Añetehápe, añetehápe, Che ha’e ndéve: Pe gállo osapukái mboyve, nde chembotovéta (chenegáta) mbohapy jevy.

Apostolkuéra 5:31

Ko Hesu kóvape Ñanderuete omboguapy ijakatúape Tetã ruvichaguasu ha tetãyguakuéra Salvador ramo, Israel ojevy hag̃ua Ñanderuete rendápe ha oñeperdona hag̃ua ichupekuéra.

Efesoyguakuérape 2:11

Upévare peñemomandu’áke, ymave peẽ tetã ambueyguáva, peiko pende yvyarigua rete ha reko rembipota vai poguýpe, peẽ ningo umi oñekytĩ’o’ỹva (oñecircuncida’ỹva), ore katu umi oñekytĩ’óva ore retépe.

Apocalípsis 2:5

Nemandu’áke mamóguipa re’ára’e ha eñembyasy, rejapo vai haguére, ha ejapo jevy umi tembiapo ñepyrũguaréva, upeicha’ỹrõ ajúta ne rendápe ha aipe’áta ne rataindyenda hendágui, ne rembyasýirõ rejapo vai haguére.