Lúcas 22:57

Ñanderuete Ñe’ẽ Porã 2015

Pédro katu ombotove (onega) ha he’i: Nde tembiguái kuñáva, che ndaikuaái ichupe.

Referencias Cruzadas

Matéo 10:33

Ha upe chenegáva yvyariguakuéra apytépe, Che avei anegava’erã ichupe che Ru yvága pegua renondépe.

Matéo 26:70

Pédro katu, upépe oĩva guive renondépe, ombotovete (onega) ha he’i: Ndaikuaaiete ningo che upe nde erévape.

Lúcas 12:9

Ha upe chemboykéva hapichakuéra renondépe, Ñanderuete omboykeva’erã avei ichupe hi’angelkuéra renondépe.

Lúcas 22:56

Peteĩ tembiguái kuñáva oma’ẽ porãvo Pédro rehe, ha’e oguapy jave ijapytepekuéra ojepe’e hag̃ua, he’i: Kóva ningo oĩkuri Hesu ndive avei.

Lúcas 22:58

Aremive rire ambue tembiguái ohechávo Pédrope he’i: Nde ningo peteĩ heseguakuéra avei, Pédro katu ombotove jevy, ha he’i: Che ndaha’éi pe kuimba’e nde reimo’ãva.

Juan 18:25

Simon Pédro ojepe’e gueterihína ñembo’yhápe. Upérõ oporandu hikuái ichupe. Nde piko ndaha’éi avei hemimbo’e. Pédro katu ombohovái he’ívo: Che ndaha’éi.

Juan 18:27

Pédro katu onega jevy, ha upetévo peteĩ gállo osapukái.

Apostolkuéra 3:19

upévare peñembyasy pejapo vai haguére ha pejevy Ñanderuete rendápe, ojepe’a hag̃ua pene rembiapo vai,

1 Juan 1:9

Ñamombe’úrõ ñane rembiapo vaikue Ñanderuetépe, Ha’e ipy’aporã ha heko porãgui operdona ñane rembiapo vaikue ha ñanemopotĩ opaichagua mba’e heko pegua’ỹvagui.