Lúcas 22:40

Ñanderuete Ñe’ẽ Porã 2015

Ha Hesu og̃uahẽvo upépe he’i hemimbo’ekuérape: Peñembo’e ani hag̃ua pe’a og̃uahẽ jave pe jepy’ara’ã vaieta.

Referencias Cruzadas

1 Crónicas 4:10

Ha Jabes ohenói Israel Járape, he’ívo: Cherovasa nga’ura’e, ha embotuichave chéve ko che yvy aikohápe, ha nde po oĩ nga’u chendive, ha chesalva mba’e vaígui, ani hag̃uátei chembyai. Ha Ñanderuete ome’ẽ ichupe imba’ejerure.

Salmokuéra 119:133

Chemboguata hekoitépe ne ñe’ẽ rupive, ani hag̃ua mba’eveichagua tembiapo vai oñembojára cherehe.

Salmokuéra 17:5

Chejokomína Nde, che aguata porã hag̃ua nde rape po’i rupi, ani hag̃ua chepysyrýi ha ha’a.

Salmokuéra 19:13

Añembotuichase ramo chejokomína, anítei pe ñembotuicha ipu’aka cherehe, upéichante che reko oñemomirĩve ohóvo ha tachepotĩ apytávo oimeraẽva ñepu’ãguasu reígui.

Matéo 6:13

Ha ani reheja rojepy’ara’ã, orepe’a uvei mba’evaígui (añágui).

Lúcas 11:4

Ha eperdonami ore angaipa (rembiapo vai), ore roperdona háicha ore rapichápe ojapo vaiva’ekue orerehe. Ha ani oregueraha jepy’ara’ãme.

Lúcas 22:46

Upémarõ Hesu he’i ichupekuéra: Mba’érehe piko pekepeína. Pepu’ã ha peñembo’e ani hag̃ua pe’a jepy’ara’ãme.

1 Pédro 4:7

Opaite mba’e, opapotaite upévare peñeñangarekóke peñembo’e hag̃ua hekoitépe.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.