Lúcas 22:19

Ñanderuete Ñe’ẽ Porã 2015

Ha ojapyhy pe pan ha oagradece rire, oipehe’ã ha ome’ẽ ichupekuéra he’ívo: Kóva ningo che rete oñeme’ẽtava penderehe. Pejapóke kóicha peñemomandu’a hag̃ua cherehe.

Referencias Cruzadas

Salmokuéra 111:4

Ñanderuete milagrokuéragui ndaipóri tesarái Ha’e ipy’a porã ha oporoporiahuverekokuaa.

Cantar de los cantáres 1:4

Chererahána pya’e nde rapykuéri. Pe tetã ruvicha chemoinge ikotykuérape: Javy’aite ha ñandepy’a roryete hag̃ua. Ne mborayhu iporãve vínogui: Ndareíri ha’ekuéra nderayhu.

Ezequiel 37:11

Upéi Ha’e he’i chéve: Kuimba’e ra’y, ko’ã kangue ningo Israel retãyguakuéra voi. Eikuaa porãke, ha’ekuéra péicha he’i: Ore kanguekuéra ikãmba ha ore jerovia opa rei, roñehundipapyréma ore,

Ezequiel 5:5

Péicha he’i pende Jára, pende Ruete: Kóa ningo Jerusalen, Che amoĩva’ekue tetãnguéra apytépe ha heta tetã ijerekuévo.

Daniel 2:38

Opaite mba’e oĩva guive Ha’e omoĩ nde poguýpe tetãnguéra oikohápe, mymba ñu rupiguakuéra ha guyra ára rehe ovevévape, nde reisãmbyhypa hag̃ua; nde voi ningo pe akã oroguiguáva rehechava’ekue.

Matéo 14:19

Ha omboguapyukapa hetãyguakuérape kapi’ipépe, ha oñeme’ẽ rire ichupe umi 5 pan ha umi mokõi pira, Hesu ojesaupi yvága gotýo, ha ojerure Ñanderuetépe ohovasa hag̃ua. Upéi oipehe’ã umi pan, ha ome’ẽ hemimbo’ekuérape, ha ha’ekuéra ome’ẽ hetãyguakuérape.

Matéo 15:36

Ha ojapyhy ipópe umi 7 pan ha umi pira’i, ha oagradece rire Ñanderuetépe, oipehẽ’ã ha ome’ẽ hemimbo’ekuérape, ha’ekuéra ome’ẽ hag̃ua hetãyguakuérape.

Lúcas 22:17

Upérõ Hesu ojapyhy pe váso ha oagradece rire ome’ẽ hemimbo’ekuérape he’ívo: Kóina, pe’u joa ichugui.

Lúcas 22:20

Ho’upa rire hikuái pe pan, Hesu ojapyhy avei pe váso ha he’i: Ko váso kóva ningo pe ñembopy’apeteĩ (jekupyty) pyahu yvyariguakuéra ndive, ha upévare oñeñohẽtava che ruguy penderehe.

Lúcas 24:30

Ha Ha’e oguapy ramo hendivekuéra mesápe, Hesu ojapyhy pe pan, ha oagradece rire omboja’o pe pan ha ome’ẽ ichupekuéra.

Juan 6:23

Upeaja og̃uahẽ ambue canoakuéra pe táva Tibériasgui, hi’ag̃ui Hesu Crísto ho’uka haguépe pe pan umi 5.000-pe, oagradece rire Itúvape.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

1 Corintoyguakuérape 10:16

Pe váso ñande jahovasáva (Hesu Crísto cénape) ndohechaukái piko ñande ñañembopy’apeteĩha Hesu Crísto ndive huguy oñeñohẽva’ekue rupi; ha pe pan ñande ñamboja’óva, ndohechaukái piko ñande ñañemopeteĩha avei Hesu Crísto ndive hete rupi.

1 Corintoyguakuérape 10:4

ha’ekuéra hoy’upava’ekue avei pe y Ñanderuete ome’ẽva’ekue ichupekuéra pe itaguasúgui omoirũva ichupekuéra hape pukukue rupi ha pe itaguasu ningo Hesu Crísto voi.

Galaciayguakuérape 1:4

Hesu Crísto oñeme’ẽva’ekue ojupe ñane rembiapo vai rehehápe, ñandepe’a hag̃ua ko ára atyguasu vaígui, Ñanderuete rembipota porã rupi.

Galaciayguakuérape 4:25

Arábia retã ñe’ẽme Agar he’ise cérro Sinai ha pe cérro Sinai oñembojojava’erã ko Jerusalen ko’ag̃agua rehe, ha ko Jerusalen ko’ag̃agua oiko tembiguái ramo ita’yrakuéra ha itajyrakuéra ndive.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

1 Tesalonicayguakuérape 5:18

Peagradece opaite mba’e rehe, kóva ningo Ñanderuete rembipota ojeroviáva guivépe g̃uarã Hesu Crístore.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.