Lúcas 21:34

Ñanderuete Ñe’ẽ Porã 2015

Peñeñangarekóke ani hag̃ua oñemombarete pende py’apy vício ka’úpe, térã pejepy’apy pene rembi’urã rehe, ha peha’ãrõ’ỹre pe ára péva ho’a sapy’a pende’ári peteĩ ñuhãicha.

Referencias Cruzadas

Genesis 19:32

Eju ha ja’uka víno ñande rúpe, ha ñañeno hendive jaguereko hag̃ua ñande rúgui ñane membyrã.

Genesis 19:35

Ha pe pyharépe ho’uka jevy víno itúvape, ha opu’ã pe imitãvéva oñeno hag̃ua hendive; ha Lot noñandukuaái oñeno ni opu’ã hague ijykéregui.

Genesis 27:14

Upéramo ha’e oho ha ogueru isýpe umi kavarara’y ha isy ojapo ichuguikuéra tembi’u, itúva ho’use haichaite.

Salmokuéra 35:8

Oikuaa’ỹre tou ichupekuéra angekõi ndetuicháva, ha umi iñuhã ombosako’iva’ekue chéve g̃uarã, ha’ekuéra voi to’a ipype angekõi ndetuicháva reheve.

Mga Kawikaan 21:4

Pe tesa ojererovúva ha pe py’apy oñembotuicháva oñemoĩ Ñanderuete rehe. Pe iñañáva ojapóva guive naiporãi.

Mga Kawikaan 23:20

Aníke repyta umi oka’úva ndive térã umi so’o ho’useitereíva ndive.

Eclesiástes 9:12

Yvyariguakuéra ndoikuaái avei hi’arakuéra; umi pira ojekutu háicha hu’ýpe, ha umi guyra ho’a háicha ñuhãme, peichaite yvyariguakuéra oha’ãrõ’ỹhágui ho’a avei jejopy vaípe.

Isaías 28:7

Ko’ã pa’i ko’ãva ovava joa hikuái oka’úgui. Ipa’i ha iprofetakuéra oka’u joa, ovava hikuái ndoporombojovake porãi ha omomarandu (oprofetiza) vai joaite hikuái.

Oséas 4:11

Teko vai havíno oipe’a akãporã yvyariguakuéragui.

Levítico 10:9

Nde ha nde ra’ykuéra, ndape’uiva’erã víno térã ambue mba’e oporomonga’úva peike guive pe óga jojohuhápe, ani hag̃ua pemano; kóva ningo peteĩ tembiapoukapy opaite ára peẽme ha pene ñemoñarenguérape g̃uarã,

Matéo 13:22

Pe ñuatĩndýpe oñeñotỹva’ekue ningo ha’e upe ohendúva pe ñe’ẽ péva, ha ojepy’apyetereígui ko yvyarigua mba’e rehe ha oñeha’ãmbaiténteva pirapire rekávo, ko’ã mba’e ko’ãva ombopytupa pe ñe’ẽ péva ha ndahi’ái.

Márcos 13:9

Peẽ katu pema’ẽ pendejehe, penembotyryrýta mbojovakehára rendápe ha penenupãta Ñanderuete rogakuérape, ha pendegueraháta mburuvicha ha tetã ruvichakuéra renondépe, cherehehápe, che rechahare ramo ichupekuéra g̃uarã.

Márcos 4:19

ha upe yvy ári jepy’apy, mba’eta mborayhu ha ambue mba’e pota katu, ombyesarái pe ñe’ẽgui ha ndahi’ái.

Lúcas 10:41

Hesu katu he’i ichupe: Márta, Márta, nde rejepy’apy heta mba’e rehe ha reñemoangekõiete;

Lúcas 12:40

Upévare peñembosako’i porãke peẽ avei, pe yvyarigua Ra’y ou jeýta peteĩ hóra peẽ peimo’ã’ỹta jave.

Lúcas 17:3

Cháke, nde ryvy oñemboheko vai ramo, eavisa porã ichupe, ha opoírõ heko vaígui, eperdona ichupe.

Lúcas 21:35

Ha katuete og̃uahẽva’erã pe ára péva opavavépe g̃uarã, oikóva guive ko yvy apére.

Lúcas 21:8

Ha Hesu ombohovái: Cháke, peñeñangareko porãke ani hag̃ua peñembotavy. Heta ou gua’uva’erã che rérape, ha he’íta: Che ningo pe Crísto ha umi ára paha og̃uahẽmbotaitéma. Anítei pemoirũ ichupekuéra ha ani peguerovia he’íva guive peẽme.

Lúcas 8:14

Umi ho’áva ñuatĩndýpe katu ningo umi ohendúva, ha oho rire, ojepy’apy pláta ha ko yvyarigua rekove vy’a rehe ha upévare ndaikatúi hi’a.

1 Corintoyguakuérape 5:11

Ko’ág̃a che kuatiañe’ẽ rupi ha’eukáma peẽme pejei hag̃ua umi hermáno gua’úgui, oikóva iglesiayguakuéra apytépe ha oikovahína gueteri upe teko ky’ápe, térã ha’enteséva, térã ta’ãnga omomba’eguasúva, térã oñe’ẽ reíva hapicháre, térã oka’úva, térã omondáva.

1 Corintoyguakuérape 6:10

umi omondáva, umi ha’enteséva, umi ika’úva, umi ombyaise reíva hapicha rekove iñe’ẽvai rupi,.

Galaciayguakuérape 5:20

umi omomba’eguasúva ambue járape, paje (encánto), umi oñemoĩ reíva hapicha rehe, ñorãirõ, takate’ỹ, pochy, ha’éntese, umi omyasãiva ñe’ẽ vai hapicha rehe, umi omboja’óva kuimba’ekuérape térã kuñakuérape aty atýpe oñemoĩ hag̃ua ojuehe,

Deuteronómio 29:19

Ha anítei oĩ pende apytépe umi ohendu rire ko’ã maldicion ko’ãva ojepy’amongeta ipy’apýpe ha oñembotuicha ko’ã ñe’ẽ rupi he’ívo: Chepy’aguapýma, aguata ramojepe che akã oipota háicha. Ko’ã ñe’ẽ rupi oñehundíta umi omokõva ha umi omokõséva pe pohã vai.

Filipoyguakuérape 4:6

Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.

hebreoyguakuerape 12:15

ha peñangareko porãke ani hag̃ua avave pende apytépe omboyke Ñanderuete mborayhu ni ijopói (Hesu Crísto) ha péva ojehúta peiko ramo py’arópe pende rapicha ndive, koichagua teko ningo penemongy’a ha penemyangekõi ha ováta heta hapicha rehe.

2 Pédro 3:10

Hesu Crísto ára og̃uahẽta ku mondaháicha, ha upe ára upévape yvagakuéra ohasapáta tyapu sununu ryapu ndetuichaitévape, ha umi mba’e imichĩetevéva (eleméntos) jepe oñehundiva’erã tata rendýpe ha opaite mba’e oĩva guive ko múndope okaipava’erã.

2 Pédro 3:14

Upévare, che rayhupára, peha’ãrõ aja ko’ã mba’e ojehútava, peñeha’ãmba peñemboyke tembiapo vaígui peñemboheko porã hag̃ua, Ñanderuete tapendejohu peikóvo ipy’aguapýpe,

Apocalípsis 3:3

Nemandu’ákena pe mba’e rehupityva’ekue ha rehenduva’ekue rehe, upévare eñembyasyete ha ejevy Ñanderuete rendápe, nderepaýri ramo ajúta ne rendápe mondaháicha ha ndereikuaamo’ãi araka’etépa ajúta ne rendápe.

1 Samuel 25:36

Ha Abigail oho jevy Nabal rendápe, ha péina ha’e oguerekohína karuguasu umi tetã ruvicha ojapo háicha; ha Nabal ovy’a ipy’apýpe, tuicha oka’úgui, Abigail katu nde’íri ichupe mba’eve, ko’ẽ jevy peve.