Lúcas 21:16

Ñanderuete Ñe’ẽ Porã 2015

Pende ru ha pende sy jepe, ha pende ryke’y, pene pehẽngue ha pene amígo avei, penemoĩta mburuvichakuéra pópe, ha oĩta avei pende apytégui umi ojejukátava.

Referencias Cruzadas

Jeremías 12:6

Nde ryke’ykuéra ha nde ru rogayguakuéra jepeve opu’ã nderehe, ha’ekuéra osapukái joa nde rapykuéri. Aníke regueroviátei ichupekuéra oñe’ẽ porã ramojepe nde rovake.

Jeremías 9:4

Oimeraẽva okyhyje iñirũgui, ani hag̃ua ho’a iñuhãme ha avave nomombe’úi pe añetegua; Ha’ekuéra oporombotavy oporombyai hag̃uáicha, ha oimeraẽva oñe’ẽvai hapichakuéra rehe.

Matéo 10:21

Ha peteĩ tyke’ýra ojukaukava’erã ityvýrape, ha peteĩ túva, ita’ýrape; ha ta’yrakuéra opu’ãva’erã itúva rehe ha ojukava’erã ichupe.

Márcos 13:12

Peteĩ tyke’ýra ome’ẽta ityvýra ojejuka hag̃ua, ha peteĩ túva ita’ýrape, ha oĩva’erã ta’ýra opu’ãva itúva rehe ojukauka hag̃ua ichupe.

Lúcas 12:53

Pe túva oñemoĩta ita’ýrare, ha ita’ýra oñemoĩta itúvare, pe sy oñemoĩta imembykuña rehe, ha kóva oñemoĩta isýre, pe ména sy oñemoĩta imembykuimba’e rembirekóre, ha kóva oñemoĩta iména sy rehe.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Lúcas 21:17

Heta ndaija’eiva’erã penderehe, che réra rehehápe.

Apostolkuéra 12:2

Ha’e ojukauka kyse pukúpe, Jacóbo, Juan ryke’ýpe.

Apostolkuéra 7:59

Ha ojapi aja hikuái Estébanpe, ha’e ohenói Hesu Crístope ha he’i: Che Jára Hesu, eraha che pytu.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 6:9

Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.