Ha he’i hikuái Hesúpe: Ndoroikuaái mamoguiguápa.
Ore Ruete, Nde remopu’ã ramojepe nde po reñangareko hag̃ua hesekuéra, ha’ekuéra ndohechakuaái; amo ipahaitépe ae katu ohecháta hikuái ha otĩ etereíta. Nde nerakate’ỹ ne retãre ha nde pochy tombokusuguepa umi nderehe oñemoĩvape.
Upévare Che ahechaukáta ko tetã kóvape tembiapo techapyrãva oporomongyhyjéva; opa rei hag̃ua umi iñarandúva arandu, ha ogue hag̃ua iñakã porãva.
Ama’ẽ ha ndaipóri avave; aporandu ko’ã mba’e rehe ha ndaipóri avave oporohekombo’éva; amba’eporandu ichupekuéra, ha nombohováiri mba’eve.
Umía ndoikuaái mba’eve ha ichupekuéra nahesakãi mba’eve; hesa oñemboty ani hag̃ua ohecha, ha ipy’apy oñemboty ani hag̃ua oikuaa porã mba’eve.
Ha he’i chéve Ñanderuete: Egueru avei umi tembiporu peteĩ ovecha rerekua tavy oiporúva.
Angái, peẽ ovecha rerekua pituva peheja reipáva pene rymbakuéra, kyse puku toikutu ijyva ha hesa akatúape, toñembopiru ichugui ijyva, ha hesa taiñypytũ.
Ha ja’érõ kuimba’eguiguaha, ñane retãyguakuéra ñandejukáta itápe, ichupekuéra g̃uarã Juan Bautísta peteĩ proféta.
Hesu he’i ichupekuéra: Péicharamo che nda’emo’ãi avei peẽme, mba’eichagua pu’aka rupípa che ajapopa umi milágro.
Ha Hesu he’i: Aporombojovake hag̃ua ningo aju ko yvy ape ári, umi ohecha’ỹva ohecha hag̃ua, ha umi ohecháva hesatũ hag̃ua opytávo.
Kóva ra’ẽ peikuaava’erã: Umi ára pahápe katuete og̃uahẽva’erã umi oñembohorýva Ñanderuete ñe’ẽ rehe ha oikovahína ijyvyarigua rete rembipota vai poguýpe omyañáva ichupekuéra, ha he’iva’erã peẽme:
