Lúcas 2:7

Ñanderuete Ñe’ẽ Porã 2015

Péva imemby kuimba’e peteĩha, ha omonde mitã aópe omoñeno hag̃ua peteĩ tymba karuhápe, ndaipórigui hendag̃ua mbohupa rógape.

Referencias Cruzadas

Genesis 42:27

Ha peteĩ ombojurupe’ávo ivosa omongaru hag̃ua ibúrro pe mbohupa rógape, ohecha oĩha ipirapire ivosa jurúpe.

Genesis 43:21

Ha ojehu ningo rog̃uahẽvo mbohupa rógape rombojurupe’a ore vosakuéra, ha péina peteĩteĩva pirapire oĩ ore vosa jurúpe, ore pirapire ipohyikue oĩmbaite; ha rogueru jevy orendive ko’ág̃a (rome’ẽ hag̃ua ndéve).

Salmokuéra 22:6

Che katu peteĩ ysónte, che ndaha’evéima mba’eve. Ambuekuéra oñembohorýnte ha opukánte cherehe.

Éxodo 4:24

Ha ojehu ningo tapére, peteĩ mbohupa rógape Ñanderuete oñemoĩ Moises rehe ojuka hag̃uáicha ichupe.

Isaías 7:14

Upévare Ñanderuete voi ohechaukáta peẽme mba’e techaukaharã: Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel.

Matéo 1:25

Jose ndoikói katu hendive onace peve imemby peteĩha, hérava Hesu.

Matéo 13:55

Kóva piko ndaha’éi pe carpintéro ra’y. Isy piko ndahérai María, ha ityvyrakuéra piko ndaha’éi Jacóbo, Jose, Simon ha Júdas.

Matéo 8:20

Hesu katu he’i ichupe: Pe aguara ningo oguereko ijyvykua okañy hag̃ua, ha guyra ára rupigua oguereko haity; pe yvyarigua Ra’y katu ndoguerekói tenda omombytu’u hag̃ua iñakã jepe.

Lúcas 10:34

Oñemboja hendápe oipohãno hag̃ua ichupe acéite ha vínope ha ojokua porã hag̃ua iñenupã hague ha ohupi ichupe henda ári ha ogueraha ichupe peteĩ mbohupa rógape oñangareko hag̃ua hese.

Lúcas 2:6

Ha ojehu ningo ha’ekuéra oĩ jave Belénpe og̃uahẽma pe ára María imemby hag̃ua.

Lúcas 2:8

Upérupi oĩ umi ovecha rerekua oñangarekóva hymbakuéra rehe pe pyhare pukukuépe.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

2 Corintoyguakuérape 8:9

Peẽ peikuaa porã voi Ñandejára Hesu Crísto ipy’aporã hague avei, Ha’e penderehehápe oñemomboriahuva’ekue, ha’e heta mba’e Jára ramojepe, peẽ peñemomba’e hag̃ua heta mba’eporã rehe imboriahukue rupi.

Galaciayguakuérape 4:4

Og̃uahẽvo pe ára Ñanderuete oiporavomava’ekue, Ha’e ombou Ita’ýra ko yvy apére, onaceva’ekue peteĩ kuñataĩ heko potĩvagui ha opytáva Moises rembiapoukapykuéra poguýpe.