Lúcas 2:41

Ñanderuete Ñe’ẽ Porã 2015

Jose ha María ohómiva meme áñope páscua aretépe Ñanderuete rogaguasúpe oĩva Jerusalénpe.

Referencias Cruzadas

Éxodo 12:11

Péicha pe’uva’erã: Pejeku’ajokua, pende py rehegua reheve ha pende yvyra po’i pende pópe; ha pe’uva’erã pya’e pya’e; péva ha’égui pende Ruete páscua.

Éxodo 12:14

Ko ára kóva oikóta peẽme mandu’arã ha pemboaretéta areteguasu ramo pene ñemoñarenguéra ndive pende Ruetépe g̃uarã, kóva ningo che rembiapoukapy opaite árape g̃uarã.

Éxodo 34:23

Peteĩáñope mbohapy jevy oñembojava’erã mayma kuimba’ekuéra Jahve, Israel Jára renondépe.

Levítico 23:5

Pe jasy peteĩháme, pe ára 14-hápe, umi mokõi ka’aru pa’ũme, oikóta pende Ruete páscua.

Números 28:16

Pe jasy peteĩha, pe ára 14-hápe pemboaretéta pende Ruetépe g̃uarã pe páscua.

Lúcas 2:42

Ha Hesu oguerekórõ 12 áño omoirũ Jose ha Maríape ha oho hendivekuéra páscua arete jave Jerusalénpe.

Juan 11:55

Upéramo Judayguakuéra páscua areteguasu hi’ag̃uíma ha heta Israelgua oho Jerusalénpe opaite Israel retãgui oñemopotĩ hag̃ua, Moises rembiapoukapy he’iuka háicha.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 2:13

Ha og̃uahẽmbávo Judayguakuéra páscua arete, Hesu oho Jerusalénpe.

Juan 6:4

Hi’ag̃uíma upérõ pe páscua, Judayguakuéra areteguasu.

Deuteronómio 12:11

Ha pe yvy pehẽngue Ñanderuete oiporãvóma omopu’ã hag̃ua hóga jojohuha, upépe peguerahava’erã opaite mba’e che ha’éva guive peẽme: Pene kuave’ẽmby ojehapypáva, pene diézmo, pene kuave’ẽmby ñemyengovia reheguáva ha opaite pene me’ẽmby peme’ẽséva guive pendejehegui Ñanderuetépe g̃uarã.

Deuteronómio 12:18

Ñanderuete, pende Jára renondépe, pe yvy pehẽngue Ha’e oiporavomahápe, upépente pekaruva’erã peẽ, pende ra’y, pende rajy ha pene rembiguái kuimba’e ha kuñáva, ha avei umi Levigua oikóva pende apytépe; pevy’a hag̃ua Ñanderuete renondépe, opaite mba’e Ha’e ome’ẽmava reheve ndéve nde po rembiapo rupi.

Deuteronómio 16:16

Mbohapy jevy meme áñope opaite kuimba’e Israel pegua ouva’erã Ñanderuete, Ñandejára renondépe, pe yvy pehẽngue Ha’e oiporavotahápe omomba’eguasu hag̃ua Ñanderuetépe: Pe arete pan ilevadura’ỹ reheguápe, pe arete semanakuéra reheguápe ha pe arete yvyra rogue reheguápe (enramada). Ha avave noñembojaiva’erã po nandi reheve Ñanderuete renondépe;

1 Samuel 1:21

Uperire Elcána ojupi jevy mayma hogaygua ndive Sílope, oikuave’ẽ hag̃ua kuave’ẽmby ojepokuaa háicha ha ojapo hag̃ua iñe’ẽme’ẽ (ipromésa).

1 Samuel 1:3

Meme áño ko kuimba’e kóva osẽ itávagui ha oho oñembo’e ha oikuave’ẽ hag̃ua hymba rekove Ñanderuetépe g̃uarã Sílope, oikohápe mokõi Eli ra’y, Ofni ha Finees, Ñanderuete pa’i ramo.