Lúcas 2:4

Ñanderuete Ñe’ẽ Porã 2015

Upévarehe Jose oho avei Nazaret, Galiléa peguágui, Belen, David távape, opytáva Juda departaméntope, ha’égui David ñemoñare ha Juda tribuguágui.

Referencias Cruzadas

Genesis 35:19

Upéicha omano Raquel, ha oñeñotỹ ichupe Efráta rapépe, péva hína Belen.

Genesis 48:7

Che aju ramoguare Padan-arámgui, Raquel omano chehegui, Canaan retãme, ag̃uahẽ mboyve Efrátape, tapére voi omano ha’e, ha upépe che añotỹ ichupe; Efráta, ko’ág̃a oñembohéra Belen.

Miquéas 5:2

Belen, Efráta pegua, nde ningo pe táva michĩvéva Juda tavakuéra apytépe, ndehegui katu osẽta Israel retã ruvichaguasurã oikómava ijypy guive.

Matéo 1:20

Ha Jose ojepy’amongeta jave pévare, peteĩ ángel ou iképe ha he’i ichupe: Jose, David ra’y, aníke repoi ne rembirekórãgui, upe oĩva ipype ou Pytu Porãmbáva pu’aka rupi.

Matéo 2:23

Ha oho pe távape hérava Nazaret, oiko hag̃ua pe proféta he’iva’ekue: Oñemboherava’erã ichupe Nazaretgua (Isaías 11,1; 53,2).

Lúcas 2:3

Upévare opavavete ohova’erã itavateépe ome’ẽ hag̃ua héra kuatiáre.

Lúcas 2:5

María omendava’ekue Jose rehe omoirũ ichupe, mokõivéva ome’ẽ hag̃ua herakuéra; upejave María hasy imemby hag̃uáicha.

Lúcas 4:16

Upéi oho Nazarétpe, Ha’e okakuaa haguépe, ha ijepokuaa háicha, oike sábado ára Ñanderuete rógape, ha opu’ã omoñe’ẽ hag̃ua Ñanderuete kuatiañe’ẽ.

Juan 1:46

Ha Natanael oporandu Felípepe: Osẽnepa Nazarétgui mba’eporã. Ha Felípe he’i ichupe: Ejumína ha ndete voi, ehecha ichupe.

Juan 7:42

Ñanderuete kuatiañe’ẽme ningo he’i pe Crísto David ñemoñareha ha onaceva’erãha Belénpe, tetã ruvicha David oiko haguépe.

Rut 1:19

Oje’ói mokõivéva og̃uahẽ meve Belénpe, ha oike rire Belénpe mayma upepeguáva ombyasy ichupekuéra ha he’i: Péva piko ndaha’éi Noemi.

Rut 2:4

Ha péina Booz ou Beléngui ha he’i imono’õharakuérape: Ñanderuete tapenepytyvõ (tapenderovasa).

Rut 4:11

Ha opaite tavaygua oĩva pe táva rokẽme, imburuvichakuéra, ndive he’i: Ore rohendu ha roikuaa peichaha. Ñanderuete tohovasa pe kuñame oike guive nde rógape, ohovasa haguéicha Raquel ha Léape, omopu’ãvo ha’ekuéra rupi Israel retã, ha ndehegui toiko karaiguasuete Efrátape, ha tanererakuã porãite Belénpe.

Rut 4:17

Ha Noemi rapichakuéra ombohéra ichupe: Obed, ha he’i hikuái ko mitã kóva Noemi memby, ko Obed ra’y ningo Isai, ha Isai ra’y David.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 16:4

Samuel ojapopa Ñanderuete he’i háicha, ha og̃uahẽvo Belénpe, umi karai anciáno osẽ ohuvaitĩvo ichupe kyhyjepópe, ha he’i hikuái: Py’aguapýpepa reju.

1 Samuel 17:12

David peteĩ kuimba’e Efrataygua, itúva Isai, peteĩ Belengua, oikóva Juda retãme, ha’e ningo 8 ita’ýrava, ha itujáma, Saul árape.

1 Samuel 17:58

Ha Saul he’i ichupe: Mitãrusu mávapa nde ru, ha David he’i ichupe: Che, ne rembiguái Isai, peteĩ Belengua ra’y.

1 Samuel 20:6

Ha nde ru imandu’a ramo cherehe, eréta: David heta ojerure chéve aheja hag̃ua oho pya’ete itáva Belénpe, upépe voi opaite hogayguakuéra ogueromandu’a pe kuave’ẽmby opaite áño reheguáva.