Lúcas 2:25

Ñanderuete Ñe’ẽ Porã 2015

Umi ára umívape oiko Jerusalénpe peteĩ kuimba’e hérava Simeon, ha upe kuimba’e upéva heko potĩva ha okyhyjéva Ñanderuetégui. Ha’e ningo oha’ãrõhína Israel Salvadorã ha pe Pytu Porãmbáva oiko ipy’apýpe.

Referencias Cruzadas

Genesis 6:9

Peichava’ekue Noe ha iñemoñarenguéra rekove: Noe kuimba’e heko porã ha heko potĩva’ekue hapichakuéra apytépe, ha oguatáva Ñanderuete ndive (Ha’e oipota háicha).

Job 1:1

Oikova’ekue Uz retãme peteĩ kuimba’e hérava Job. Ko kuimba’e kóva heko porã ha heko potĩva. Ha’e okyhyje Ñanderuetégui ha upévare opia opaichagua mba’evai apógui.

Job 1:8

Ha Ñanderuete he’i Satanáme: Nderejesarekóipara’e che rembiguái Job rehe, ndaipóri ambue ha’eichagua yvy apére, kuimba’e heko porã ha heko potĩva, okyhyjéva Ijapoharégui ha opiáva opaichagua mba’evai apógui.

Isaías 25:9

Ha upe ára upévape oje’éta: Pema’ẽ porãke, kóa voi ningo ore Jára, roha’ãrõkuri Ha’e oreguenohẽ hag̃ua ore jehasa asyguasúgui, ore rojeroviágui hese. Javy’a ha japurahéi joa Ha’e ñanepytyvõ porã haguére.

Isaías 40:1

Pemoangapyhy, pembopy’aguapy che retãme, he’i Ñanderuete.

Miquéas 6:8

Nde, yvyarigua, pende Ruete omombe’umava’ekue mba’épa iporã ndéve. Ha mba’épa pende Ruete oha’ãrõ ndehegui. Eiko hekoitépe, eporoporiahuvereko, ehayhu nde Járape ha eñemomirĩ pende Ruete renondépe.

Números 11:25

Ñanderuete oguejy arai rupi, ha oñe’ẽ ichupe; ha Ha’e oipe’amimi Moises pytu porãgui ome’ẽ hag̃ua umi 70 mburuvichápe; ha oguejy vove hi’arikuéra pe pytu porã oprofetiza hikuái, kurimive katu ndoprofetizavéi.

Números 11:29

Ha Moises he’i jevy ichupe: Ndépa nerakate’ỹ cherehe. Mba’éicha tamora’e mayma Ñanderuete retãygua toiko proféta ramo ha Ñanderuete tome’ẽ ichupekuéra Ipytu Porãitéva.

Márcos 15:43

ou Jose, peteĩ Arimateaygua, kuimba’e heko potĩva ha peteĩ karai anciáno avei, oha’ãrõva Ñanderuete retã pu’aka ojehechauka hag̃ua, ha’e oho Piláto rendápe ha ojerure Hesu retekue rehe.

Lúcas 1:41

Ha Elisabet ohendúvo María maitei imemby opopo hyépe, ha Elisabet oñemyenyhẽvo Pytu Porãmbávagui,

Lúcas 1:6

Zacarías ha Elisabet heko potĩva Ñanderuete renondépe, oguata hekópe Ñanderuete rapére ha hembiapoukapýpe.

Lúcas 1:67

Ha Zacarías, Juan ru, henyhẽ Pytu Porãmbávagui, oprofetiza ha he’i:

Lúcas 2:38

Ha pe hóra pévape ha’e og̃uahẽ avei Hesu oĩháme, ha omomba’eguasu Ñanderuetépe ha oñe’ẽ Hesu rehe opavave oha’ãrõvape guive Jerusalen salvacion.

Lúcas 23:51

Ha’e peteĩ Arimateaygua, ha oha’ãrõvahína Ñanderuete retãguasu ou hag̃ua, ha’e ndojohu porãi ambue karai anciáno ombojovake haguére Hesúpe ojejuka hag̃ua, ha upévare nome’ẽi avei iñe’ẽ (ivóto) ichupekuéra, ha’e oñemoĩ uvei hesekuéra.

Apostolkuéra 10:2

Cornélio ha opaite hogayguakuéra omomba’éva Ñanderuetépe ha oñemomirĩva henondépe, ha’e oipytyvõ mboriahukuérape ipirapire rupi ha oñembo’ehína Ñanderuetépe.

Apostolkuéra 10:22

Ha ha’ekuéra he’i: Cornélio, peteĩ soldádo ruvicha, 100 soldádo ári, ore ruvicha, orembou ne rendápe, ha’e ningo peteĩ kuimba’e heko potĩva ha okyhyjéva Ñanderuetégui. Herakuã porãva opaite Judayguakuéra apytépe. Ñanderuete oñe’ẽ hendive peteĩ ángel rupi ha he’i nerenoiuka hag̃ua Cornélio rógape, ha’e ojapysaka hag̃ua ne ñe’ẽ rehe.

Apostolkuéra 2:5

Upéramo oiko Jerusalénpe heta Judaygua ojeroviáva Ñanderuetére, onaceva’ekue ambue tetãme, ko’ã Judaygua ouva’ekue opaite tetã oĩva guive ko yvy apéregui, (areteguasúpe).

Apostolkuéra 24:16

Upévare che añeha’ã aiko porã hag̃ua tapia che py’apy ñe’ẽ potĩ reheve Ñanderuete ha opaite tetãyguakuéra renondépe.

Deuteronómio 18:15

Israelguakuéra apytégui Ñanderuete omopu’ãta peẽme g̃uarã peteĩ proféta cheichagua, ha pehenduva’erã ichupe (Hesu Crísto).

2 Pédro 1:21

Umi proféta noñe’ẽiva’ekue ijeheguikuéra reínte, Pytu Porãmbáva omboguata háicha (ohaiuka háicha) uvei ichupekuéra.