Lúcas 2:14

Ñanderuete Ñe’ẽ Porã 2015

Toñemomba’eguasu Ñanderuetépe yvágape, ha tetãyguakuéra toiko py’aguapýpe.

Referencias Cruzadas

Isaías 44:23

Yvagakuéra pepurahéike Ñanderuetépe ha’e voígui pende apohareteetéva; yvy rugua esapukái vy’apópe; cerrokuéra, ka’aguy ha oimeraẽ yvyra oĩva guive ipype pepurahéi torypápe Ñanderuete oipytyvõ jevýtagui Jacóbope, ha Israel retãme oñemomba’eguasu jevýta ichupe.

Isaías 49:13

Peĩ yvagakuéra pepurahéike, ha nde yvy evy’aitéke, peẽ cerrokuéra pesapukái puraheipópe, Ñanderuete omoangapyhýgui hetãme, ha oiporiahuvereko jevy umi ohasa asývape.

Isaías 57:19

Ha aporombopurahéita: Py’aguapy, py’aguapy ame’ẽse umi mombyry ha ag̃ui oikóvape, he’i pende Ruete; ha amonguera jevýta che retãme.

Miquéas 5:5

Hendive voi oúta py’aguapy, ha Asiriaygua ou jevy ramo ñane retãme opyrũ hag̃ua ñande rogaguasu rehe, upéramo ñamondóta hendápe 7 tymba rerekua ha 8 mburuvicha.

Matéo 21:9

Ha umi ohóva henonderãme ha hapykuéri osapukaipa joa, he’ívo: David Ra’y, oresalvána ha toñemomba’eguasu Ñanderuete rérape oúva, yvatéguio ou pe salvacion.

Lúcas 1:79

Ohesape hag̃ua umi oguapýva pytũháme ha umi oikóva ñemano rokẽme ojereraha hag̃ua py’aguapy rape rupi.

Lúcas 19:38

ha he’i hikuái: Toñemomba’eguasu pe ouvahína Ñanderuete rérape, pe mburuvichaguasuetéva, yvágape oĩ py’aguapy ha teko jajaipa, upévare ñamomba’eguasuñaína Ñanderuetépe.

Lúcas 2:13

Ha upéicha háguinte sapy’aitépe oñembyaty ángel jerekuévo hetaiterei angelkuéra omomba’eguasúva Ñanderuetépe he’ívo:

Lúcas 2:15

Ha ojehu umi ángel oho jevy rire yvágape, umi ovecha rerekua he’i joa ojupe: Jaha katu Belénpe, ha jahecha umi mba’e ojehúva ha Ñanderuete oikuaaukáva ñandéve.

Lúcas 3:22

ha ojehecha oguejyha Hesu ári pe Pytu Porãmbáva peteĩ pykasúicha, ha oñehendu yvágagui peteĩ ñe’ẽ he’íva: Nde ningo che Ra’y ahayhúva ha chepy’aroryetéva.

Juan 14:27

Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei.

Juan 17:4

Che ningo rombotuicha ko yvy ári ha ajapopa pe tembiapo reme’ẽva’ekue chéve Che ajapo hag̃ua.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Apostolkuéra 10:36

Ñanderuete ombouva’ekue iñe’ẽ porã Israelguakuérape Hesu Crísto rupi, Ha’e ningo opavave Jára voi.

Romayguakuérape 5:1

Ko’ág̃a ñande jajerereko heko potĩva ramo jajeroviágui Hesu Crísto rehe, ha ñande py’aguapýma Ñanderuete ndive Ñandejára Hesu Crísto rupi.

Efesoyguakuérape 1:6

ñande ñamomba’eguasu hag̃ua ichupe tapia g̃uarã, Ha’e ipy’a porã haguére, ha Ha’e ohechauka haguére ñandéve iporiahuvereko Ita’ýra Hesu Crísto rupi.

Efesoyguakuérape 1:9

Ha oikuaauka ñandéve hembipota ñemi, hi’ã porã haguéicha ichupe, ha Ha’e oipota háicha.

Efesoyguakuérape 2:4

Ñanderuete katu henyhẽ poriahuverekógui, ñanderayhu imborayhu tuichaite reheve.

Efesoyguakuérape 2:7

Ha’e ohechauka hag̃ua umi ára atyguasurãme imborayhu tuichaitéva ha ipy’aporãha ñanendive Hesu Crísto rupi.

Filipoyguakuérape 2:11

Ha opaite juru he’iva’erã Hesu Crísto ha’eha Ñandejára ha upéicha omomba’eguasu hikuái Ñanderuetépe, pe Túva Añeteguávape.

Filipoyguakuérape 2:13

Ñanderuete voi ningo omoheñoihína pendepype hembipota porã ha Ha’e omongakuaa hembipota pende rekovépe pejapopa peve Ha’e oipotáva guive.

Colosayguakuérape 1:20

Hesu Crísto rupínte oĩ perdon opaite tetãyguakuérape g̃uarã, Ha’e oguerúgui pe py’aguapy yvága pegua huguy rupínte, oñeñohẽva’ekue ikurusúre.

2 Tesalonicayguakuérape 2:16

Ñandejára Hesu Crísto ha Ñandejára Ñanderuete ñanderayhúva ha ñanemoangapyhýva tapia iporiahuvereko rupi, péva ningo pe esperánza jaguerekóva.

Apocalípsis 5:13

Uperire ahendu opaite oikóva yvágape, yvýpe, yvy guýpe ha yguasu ári ha hyepýpe he’ívo: Pe guapyhaguasúpe Oguapývape ha pe Ovechara’ýpe toñemomba’eguasu, toñemombe’u porã, toñemboete ha toñeme’ẽ pu’aka ára atyguasukuéra guive umi ára atyguasurãme g̃uarã.