Lúcas 2:13

Ñanderuete Ñe’ẽ Porã 2015

Ha upéicha háguinte sapy’aitépe oñembyaty ángel jerekuévo hetaiterei angelkuéra omomba’eguasúva Ñanderuetépe he’ívo:

Referencias Cruzadas

Genesis 28:12

Ha iképe ohecha: Peteĩ escaléra (jupiha) opu’ãva yvýgui ha ijapýra ojáva yvága rehe; ha péina ápe Ñanderuete yvága rembiguaikuéra ojupi ha oguejy joa upe escalérare.

1 Réyes 22:19

Upémaramo ha’e he’i: Ehendu Ñanderuete ñe’ẽ: Che ahecha Ñanderuetépe oguapy ramo iguapyha guasúpe, ha opaite yvága rembiguái oĩmba ijypýpe, ijakatúa ha ijasu gotýo.

Job 38:7

Umi mbyja ko’ẽtĩ megua omoherakuã porã hembiapo techapyrãva ha ovy’a joa Ñanderuete ra’ykuéra (angelkuéra).

Salmokuéra 148:2

Pemomba’eguasu ichupe, peẽ mayma hi’angelkuéra, pemomba’eguasu ichupe peẽ yvága rembiguái atykuéra.

Salmokuéra 68:17

Ñanderuete cárro ñorãirõ megua ndaikatúi ojepapa, Ñanderuete voi og̃uahẽ hendag̃ua porãitépe Sinaígui.

Ezequiel 3:12

Ha upérõ pe Pytu Porãmbáva chemopu’ã, ha ahendu che rapykue gotýo peteĩ ñe’ẽpu hyapuguasu he’íva: Ñanderuete reko jajaipa toñemomba’eguasu henda guive.

Daniel 7:10

Peteĩ ysyry tataguiguáva osẽ henondégui; heta millónes oservi ichupe; ha heta 100 millónes oñembo’y henondépe, ha oguapy rire umi oporombojovakéva avei ojepe’a umi kuatiañe’ẽ.

Lúcas 15:10

Che voi ha’e peẽme, oikoha vy’aguasu Ñanderuete angelkuéra apytépe peteĩ angaipavóra ojevy ramo Ñanderuete rendápe.

Lúcas 2:12

Ha pe techaukaha (señal) oñeme’ẽtavahína peẽme kóva: Peẽ pejohúta peteĩ mitãkuimba’e onaceramóvape tymba rógape, ha oñenóva peteĩ tymba karuhápe, ha oñeñu’ãva mitã ñu’ãháme.

Lúcas 2:14

Toñemomba’eguasu Ñanderuetépe yvágape, ha tetãyguakuéra toiko py’aguapýpe.

Efesoyguakuérape 3:10

Ko’ág̃a ojehechauka hag̃ua avei mburuvichakuéra ha pu’akakuéra oĩva yvágape Ñanderuete arandu Hesu Crísto iglésia rupi.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

hebreoyguakuerape 1:14

Umi yvága rembiguái (pytu katukuéra) Ha’e ombou yvy apére oipytyvõ hag̃ua umi ojesalvátavape.

1 Pédro 1:12

Hesu Crísto Pytu Porãite ohechaukava’ekue ichupekuéra ko mba’e kóva, ha’ekuéra oikuaaséva; ko mba’e katu ndaha’éi ichupekuéra g̃uarã, peẽme g̃uarãnte uvei ha’ekuéra omombe’ukáva. Ha ko’ág̃a oñemombe’úma avei peẽme Ñanderuete salvacion ha umi omyasãiva’ekue ko ñe’ẽ kóva pende apytépe ojapo hikuái Pytu Porãmbáva pu’aka rupi. Ko’ã mba’e yvága rembiguaikuéra (angelkuéra) jepe oikuaa porãse avei.

Apocalípsis 5:11

Ha ama’ẽ ahendu hetave 100.000.000 (100 millónes) yvága rembiguái (ángel) ñe’ẽpu pe guapyhaguasu jerekuévo, oĩháme avei umi 4 tekove oikovéva ha umi karai ancianokuéra,