Lúcas 2:10

Ñanderuete Ñe’ẽ Porã 2015

Ha pe ángel he’i ichupekuéra: Ani pekyhyje, peikuaa porãke aju amombe’úvo peẽme mba’e ipyahúva ombohorýtava opaite tetãnguérape.

Referencias Cruzadas

Genesis 12:3

Ahovasáta umi nderovasávape, ha umi nemaldecívape Che amaldecíta avei ha nderupi ojehovasava’erã opaite tetãnguéra oĩva guive ko yvy apére.

Isaías 40:9

Nde Sion ejupi cérro ru’ãme emombe’u hag̃ua vy’aguasu, Nde Jerusalen hatã emyasãi vy’aguasu. Esapukái, ani rekyhyjétei; ere ambue Juda pegua tavakuérape: Pehechataha pende Járape.

Isaías 41:27

Che raẽte ambo’eva’ekue ko’ã mba’e Siónpe, ha Jerusalénpe ame’ẽta peteĩ ñe’ẽ rerahahárape omombe’u hag̃ua mba’e ipyahuha porãva ha oporombohorýva.

Isaías 49:6

ha he’ive chéve: Che ndoroiporavói che rembiguairãnte, Che rohenói remopu’ã hag̃ua uvei Jacóbo tribukuéra, ha remyatyrõ hag̃ua Israel rembyre; regueraha hag̃ua avei che resape ha salvacion tetãnguéra yvy apýra paha peve.

Isaías 52:10

Ñanderuete omopu’ã ijyva heko porãvape g̃uarã mayma tetãnguéra resa renondépe, ha umi yvy apýra guive ohecháta Ñanderuete pu’aka ha isalvacion.

Isaías 52:7

Iporãite umi ñe’ẽ rerahahára omyasãi ko ñe’ẽ kóva: Py’aguapy, salvacion; ha he’i Siónpe: Nde Jára oikóma mburuvicha guasuete ramo ko yvy apére.

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Daniel 10:19

ha he’i chéve: Nde rejehayhuetéva, ani rekyhyjétei, py’aguapy toĩ nendive, eñeha’ã ha eñemokyre’ỹ. Ha ha’e oñe’ẽ jave chéve, chembarete jevy ahávo, ha che ha’e: Eñe’ẽ katu, che Jára, nde chemombarete jevýma.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 14:27

Ha Hesu pya’e oñe’ẽ ichupekuéra, ha he’i: Peñembopy’aguapy, Chénteko, ani pekyhyje.

Matéo 28:18

Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.

Matéo 28:5

Ha pe yvága rembiguái katu oñe’ẽ umi kuñáme, ha he’i: Ani pekyhyje, aikuaa pehekaha Hesúpe, oñemosãingova’ekue kurusúre.

Márcos 1:15

Ha he’i: Pe ára oikopáma ha og̃uahẽma Ñanderuete retãguasu pu’aka, upévare pejevy hendápe ha pejerovia iñe’ẽ porãite rehe.

Márcos 16:15

Ha Hesu he’i ichupekuéra: Tapeho opárupi, ko yvy jerekuévo, ha pemyasãi opavavépe ko evangélio.

Lúcas 1:13

Pe ángel katu he’i ichupe: Ani rekyhyje Zacarías, pe mba’e rejeruréva ne ñembo’épe oñehendúma ha ne rembireko Elisabet imembýta, ha rehenoiva’erã pe mitãkuimba’épe Juan.

Lúcas 1:19

Upérõ pe ángel ombohovái ichupe: Che ningo Gabriel, pe oñembo’ýmiva Ñanderuete renondépe. Ha’e chembou añe’ẽ ha agueru hag̃ua ndéve ko marandu iporãva.

Lúcas 1:30

Ha pe ángel he’i ichupe: Ani rekyhyjétei, María, Ñanderuete jeporiahuvereko ningo oĩ nendive.

Lúcas 2:11

Onaceramoite peẽme g̃uarã pe salvador Hesu Crísto, David táva Belénpe.

Lúcas 24:47

Ha oñemyasãiva’erãha ko’ã mba’e opaite yvyariguakuéra retãme oñepyrũvo Jerusalénpe: Opavave oñembyasy hag̃ua ojapo vai haguére ha Hesu Crísto rembiapo porã (sacrifício) rupínte oĩha perdon.

Lúcas 8:1

Uperire Hesu oguata 12 hemimbo’e ndive opaite táva ha tava’i rupi omombe’úvo Ñanderuete retãguasu evangélio (marandu porã).

Apostolkuéra 13:32

Ha ore ningo romombe’u peẽme Hesu Crísto evangélio oñeprometeva’ekue ñande ypykuérape,

Romayguakuérape 10:15

Ha mba’éicha piko ikatúta ojekuaauka Hesu Crístope ichupekuéra, noñemondói ramo avavépe hendapekuéra. Ojehaíma Ñanderuete kuatiañe’ẽme: Iporãite ningo umi py omyasãiva mba’e iporãva, (Isaías 52,7).

Efesoyguakuérape 3:8

Che ningo pe imichĩetevéva opaite Hesu Crísto reheguáva apytépe, opáichavo oñeme’ẽ chéve Ñanderuete jopói poriahuvereko reheguáva amyasãi hag̃ua tetã ambueyguakuérape pe evangélio ha Hesu Crísto mba’eita ijojaha’ỹva,

Colosayguakuérape 1:23

upévare pepyta hatãkena pende jeroviápe, peñemongu’e’ỹre akatúa ni asu gotýo, ha aníke peñemomombyry ichugui, ha ani pepoi Ñanderuete ñe’ẽ porãgui, ni pe esperánza Ha’e oguerumava’ekuégui peẽme. Ko evangélio pehendumava’ekue ha oñemyasãiva opaite yvy apére, che, Páblo, aiko ko evangélio rembiguái ramo, ha aipytyvõ oñemyasãive hag̃ua ohóvo.