Lúcas 18:7

Ñanderuete Ñe’ẽ Porã 2015

Ha Ñanderuete piko nombojovakeichéne hembiporavo ha hese ija’e’ỹva pa’ũme, hembiporavo ojerure ramo ichupe ára ha pyharépe, ombojovake hag̃ua hekópe ipa’ũme, Ñanderuete hi’arénepa ombojovake hag̃ua.

Referencias Cruzadas

Salmokuéra 88:1

Nde, che Ruete, che Jára, che pytyvõhára, ára ha pyharekuépe amba’ejerure asy ne renondépe.

Salmokuéra 9:8

Ha’e oisãmbyhy ko yvy justíciape ha hekoitépe omyakã tetãnguérape.

Éxodo 22:23

Nde reipy’apy ramo ichupekuéra, ha ha’ekuéra omba’ejerure ramo chéve, añetehápe Che ahendúta imba’ejerure;

Isaías 40:27

Mba’érehepa nde Jacóbo ere, ha mba’érehepa nde Israel reñe’ẽ: Che rape okañyha Ñanderuete renondégui, ha che Jára noma’ẽiha che reko hekoite pegua rehe.

Habacuc 2:3

Umi mba’e nde rehechátava katuete ojehúta hi’araitépe, oñembopya’e pya’e ojehu hag̃ua, ha ndaijapumo’ãi, hi’aréta ramojepe ojehu hag̃ua, eha’ãrõ, katuete oúta, ndahi’areitereivéima oiko hag̃ua ko’ã mba’e ko’ãva.

Matéo 24:22

Ha umi ára umíva noñemombykyvéi ramo, avave ndojesalvamo’ãi; umi ojeporavova’ekue rehehápe katu oñemombykyvéta aipo ára aipóvape.

Matéo 24:24

Ouva’erã ningo heta Crísto gua’u, ha proféta gua’u ojapóva techaukaha ha tembiapo techapyrãva oporombotavy hag̃ua ha ikatu ramo umi ojeporavopyrévape jepe.

Matéo 7:11

Peẽ peneñañáva peme’ẽkuaa ramo pende ra’ýpe mba’e iporãva, ko’yteve pende Ruete yvága pegua ome’ẽva’erã mba’eporã umi ojerurévape ichupe.

Lúcas 11:13

Ha peẽ peneñañáva, peme’ẽkuaa ramo mba’eporãva pende ra’y ha pende rajykuérape, ko’yteve Ñanderuete ome’ẽva’erã katuete pe Pytu Porãva umi ojerurévape ichupe.

Lúcas 2:37

Ha’e opytava’ekue viúda ha ohupitýma 84 áño. Ha’e ndojeivéi Ñanderuete rogaguasúgui, arakue ni pyharekuépe, oservi uvei ñande Ruetépe oñembo’évo ha ohasávo heta ára okaru’ỹre (ajúnope).

Lúcas 21:28

Oñepyrũvo ojehu ko’ã mba’e ko’ãva, pevy’a katu ha peneakãrapu’ã og̃uahẽmbotámagui pende salvacion.

Romayguakuérape 8:33

Máva piko ikatu omoĩ vai umi Ñanderuete voi oiporavomava’ekuépe, Ha’e voi omboheko potĩmava’ekuégui ichupekuéra.

Colosayguakuérape 3:12

Ñanderuete pendeporavo, penemboheko potĩ ha penderayhúgui peñemonde jeporiahuvereko mborayhu reheve, py’a porã, ñemomirĩ, pochykuaa’ỹ, paciéncia.

1 Tesalonicayguakuérape 3:10

Ára ha pyharépe rojerure asy ore ñembo’épe Ñandejárape, ore rohecha hag̃ua pende rova ha ore romyenyhẽ hag̃ua opaite mba’e ofaltáva guive gueteri pende jeroviápe.

2 Tesalonicayguakuérape 1:6

Ija ningo Ñanderuetépe, pe mbojovakehára heko peguáva, omyengovia hag̃ua pe jehasa asy umi penembohasa asyva’ekuépe.

1 Timotéope 5:5

Upe kuña imenave’ỹ añeteguáva ha ha’eño opytáva, toha’ãrõ Ñanderuete pytyvõ, ha tojerure asy iñembo’épe ára ha pyharépe ambuekuéra rehe.

2 Timotéope 1:3

Che agradece Ñanderuetépe, che aservíva che ypykuéra guive py’apyñe’ẽ potĩ reheve, chemandu’amanterei nderehe che ñembo’épe, ára ha pyharépe.

2 Timotéope 2:10

Upévare che aropu’aka opaite mba’e umi poravopyre rehehápe, ha’ekuéra ohupity hag̃ua avei pe salvacion Hesu Crísto rupi ha oike hag̃ua heko jajaipávape.

Títope 1:1

Che, Páblo, Ñanderuete rembiguái ha Hesu Crísto apóstol, Ha’e cheporavo ajerovia hag̃ua hese ha ahupity hag̃ua ikuaapy añeteguáva, ojehechaukáva tekopotĩ rupi.

1 Pédro 1:1

Che, Pédro, Hesu Crísto apóstol ahai ko kuatiañe’ẽ Israelguakuéra oñemosarambiva’ekuépe ha oikóva tetã ambueygua ramo Pónto, Galácia, Capadócia, Ásia ha Bitíniape.

2 Pédro 3:9

Ñanderuete nombo’aréi iñe’ẽ oiko hag̃ua, mbovymi oimo’ã háicha, oha’ãrõsénte, ndoipotáigui mbovymi jepe oñehundi, opavavénte toñembyasy uvei ojapovai haguére ha tojevy Ñanderuete rendápe.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.

Apocalípsis 7:15

Upévare ningo oĩ hikuái Ñanderuete guapyhaguasu renondépe, oservi hag̃ua ichupe ára ha pyharépe hogaguasúpe, ha pe Oguapýva guapyhaguasúpe oñangareko hesekuéra.