Lúcas 18:5

Ñanderuete Ñe’ẽ Porã 2015

opáichavo ko viúda chemyangekõi mantereígui ambojovakéta, ani hag̃ua amo ipahápe ha’e ou cherova api.

Referencias Cruzadas

Nehemías 6:4

Ha ombou hikuái che rendápe irundy jevy pe ñe’ẽmondo péva rehe, ha peichaite che ambohovái jevy jey ichupekuéra.

Matéo 15:23

Hesu katu nde’íri ichupe mba’eve, ha hemimbo’ekuéra oñembojávo hendápe ojerure asy ichupe, he’ívo: Eréna ichupe toho, osapukái ningo ñande rapykuéri (ha ñanemy’angekõi).

Lúcas 11:8

Añetehápe ha’e peẽme: Ha’e nome’ẽséi ramojepe ichupe ha’e iñirũ añete haguére, katuete opu’ãva’erã ome’ẽ hag̃ua ichupe hembijerure.

Lúcas 18:3

Ha upe táva upévape oiko avei peteĩ viúda, manterei oúva hendápe he’ívo upe mbojovakehárape: Embojovake hekópe chéve, ko pléito aguerekóva cherehe ija’e’ỹva ndive.

Lúcas 18:39

Ha umi ohóva tenonde ipochy hendive ha okorõi ichupe okirirĩ hag̃ua, ha’e katu osapukái hatãve: David Ra’y, cheporiahuverekomína.

1 Corintoyguakuérape 9:27

péicha che añeha’ãmba ajoko hag̃ua che rete heta mba’égui, ha’e opyta hag̃ua che rembipota poguýpe, ani hag̃ua che ambo’e rire ambuekuérape oñeha’ã porãmba hag̃ua, ha che voi apia Hesu Crísto rapégui.

Juéces 16:16

Ha Dalíla ko’ẽ ko’ẽ rehe ojerure asýgui ichupe iñe’ẽ rupi, Sanson ánga ho’a jepy’apy asyete poguýpe.