Lúcas 18:3

Ñanderuete Ñe’ẽ Porã 2015

Ha upe táva upévape oiko avei peteĩ viúda, manterei oúva hendápe he’ívo upe mbojovakehárape: Embojovake hekópe chéve, ko pléito aguerekóva cherehe ija’e’ỹva ndive.

Referencias Cruzadas

Job 22:9

Umi imenave’ỹvape remosẽ reme’ẽ’ỹre mba’eve, ha umi ityre’ỹvagui reipe’apa hembýva guive gueteri ichupe.

Job 29:13

Umi oñehundipotáva cherovasapa ha ambovy’a jevy umi imenave’ỹva py’apy (korasõ).

Isaías 1:17

Peñeha’ã uvei pejapo hag̃ua mba’eporã, pembojovake porã, pemopu’ã umi ojejopývape, peipytyvõ ityre’ỹvape, peñangareko imenave’ỹva rehe.

Jeremías 5:28

Okaru imondapyre rupi porãgui ikyraite ohóvo, ha hembiapo vaikue hetaitereirasa; nombojovakéi hekoitépe ityre’ỹvape ha nome’ẽi imboriahúvape imba’eteéva.

Matéo 5:25

Eiko porãke nderehe ija’e’ỹva ndive, reime aja hendive tapére, ani hag̃ua nderehe ija’e’ỹva nemoĩ mbojovakehára pópe, ha pe mbojovakehára nemoĩ tahachi pópe, ha’e nemoinge hag̃ua cárcelpe.

Lúcas 18:2

Ha Hesu omombe’u ko mba’e ichupekuéra: Peteĩ távape oiko peteĩ mbojovakehára, ndokyhyjéiva Ñanderuetégui ha nomomba’éiva hapichakuérape.

Lúcas 18:4

Upe mbojovakehára heta ára nopenái hese, upéi katu he’i ipy’apýpe: Ndakyhyjéi ningo Ñanderuetégui jepe ha namomba’éi avei che rapichakuérape,

Lúcas 18:5

opáichavo ko viúda chemyangekõi mantereígui ambojovakéta, ani hag̃ua amo ipahápe ha’e ou cherova api.

Deuteronómio 27:19

Maldicion ho’ava’erã upe kuimba’e térã kuña ári omboyke ramo tetã ambueyguáva, ityre’ỹva térã imenave’ỹva derécho. Ha mayma tetãygua he’iva’erã: Taupéicha.