Lúcas 17:24

Ñanderuete Ñe’ẽ Porã 2015

Ku aratiri sapy’aite ohesape háicha peteĩ ára yke apy guive ambue ára yke peve, upéicha og̃uahẽva’erã avei pe yvyarigua Ra’y ára.

Referencias Cruzadas

Ezequiel 1:14

Ha umi tekove ou ha oho ñaniháme ku aratirícha.

Zacarías 9:14

Upéramo Jahve ojehechaukáta, hu’y osẽta aratirícha. Ñandejára, Jahve, ombopúta ituru, ha oipeju hatãta ijyvytu yvy gotyoyguápe.

Matéo 24:27

Pe aratiri rendýicha oúva kuarahyresẽguio ha ojekuaa pe kuarahyreike gotýo peve, péicha pe yvyarigua Ra’y outavahína ouha árape.

Matéo 24:30

Ha ojehechaukáta ára rehe pe yvyarigua Ra’y techaukaha; ha opaite yvyariguakuéra oĩva guive yvy apére ojahe’opa joáta oñembyasýgui ha ohechava’erã pe yvyarigua Ra’y oúva arai ári ipu’akaguasu ha heko jajaipa reheve.

Matéo 25:31

Pe yvyarigua Ra’y ou vove heko jajaipa reheve, ha yvága rembiguaikuéra hendive, upe árape Ha’e oguapýta iguapyha omimbipávape.

Matéo 26:64

Ha Hesu he’i ichupe: Añete, Che ha’e peẽme: Ko’ág̃a guive pehecháta yvyarigua Ra’y oguapy ramo Ñanderuete, pe Ipu’akapáva akatúa gotýo, ha ou jevýtava arai ári.

Matéo 5:15

Avave nomyendýi peteĩ tataindy omoĩ hag̃ua peteĩ mba’yru guýpe, tataindy renda árinte uvei, ohesapepa hag̃ua oĩva guive pe óga ryepýpe.

1 Corintoyguakuérape 1:8

Ha’e voi penemokyre’ỹ peiko hag̃ua heko potĩva ramo, Ha’e ou jevy peve.

1 Tesalonicayguakuérape 5:2

peẽ ningo peikuaa porã voi pe ára Hesu Crísto og̃uahẽ jevytaha, oúta ku mondaháicha oúva pyharekuépe.

2 Tesalonicayguakuérape 2:2

ani hag̃ua peheja avave omoinge pene akãme ambue mba’e ha peñemondýi rei peteĩ ñe’ẽ rupi, térã pytu ñe’ẽ gua’u rupi, térã peteĩ kuatiañe’ẽ rupi oje’éva oreheguiha, ha omombe’u Hesu Crísto ouha ára ojekuaa porãma térã og̃uahẽmaha.

2 Tesalonicayguakuérape 2:8

Uperire ae ojehechaukáta upe oñemoĩva opaichagua tembiapoukapy rehe, Ñandejára Hesu Crísto katu ojukáta ichupe ipytuhẽ pu’aka rupi ha ohundíta ichupe Ha’e ou jevyha árape.

Tiágo 5:8

Upéicha peẽ peha’ãrõ avei, pemombarete katu pende py’apy, Hesu Crísto ou jevytamahína.

2 Pédro 3:10

Hesu Crísto ára og̃uahẽta ku mondaháicha, ha upe ára upévape yvagakuéra ohasapáta tyapu sununu ryapu ndetuichaitévape, ha umi mba’e imichĩetevéva (eleméntos) jepe oñehundiva’erã tata rendýpe ha opaite mba’e oĩva guive ko múndope okaipava’erã.