Lúcas 17:2

Ñanderuete Ñe’ẽ Porã 2015

Iporãveva’erãmo’ã ichupekuéra oñeñapytĩ rire peteĩ ita tuicháva ijajúrare ha oñemombo yguasúpe, ha anítei omombia umi ojeroviávape cherehe pe tape porãgui.

Referencias Cruzadas

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Matéo 17:27

Ha ani hag̃ua ñambopochy ichupekuéra, tereho yguasúpe eity ne pinda, ha upe pira reguenohẽ tenondéva embojurupe’a, ha rejohúta pe pirapire ñande mokõivépe g̃uarã, ejapyhy ha eme’ẽ ichupekuéra, cherehe ha nderehe avei.

Matéo 18:10

Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.

Matéo 18:14

Upéicha pende Ruete yvága pegua ndoipotái oñehundi peteĩnte jepe ko’ã ojeroviaramóva apytégui.

Matéo 26:24

Yvyarigua Ra’y ningo ohóta Ñanderuete kuatiañe’ẽme ojehai haichaite hese; angái katu, pe ome’ẽva yvyarigua Ra’ýpe, iporãveva’erãmo’ã pe kuimba’e pévape ndoúira’e ko yvy apére.

Márcos 9:42

Ha máva omoñepysãngáva peteĩ ko’ã michĩmívape cherehe ojeroviávape, iporãveva’erã omosãingo ramo ijajúra rehe ita tuicha ha ojeity ichupe yguasúpe.

Juan 21:15

Ha oarambohasapa rire hikuái, Hesu oporandu Simon Pédrope: Nde Simon, Juan ra’y, cherayhuvépa ko’ãvagui. Simon Pédro ombohovái ichupe: Héẽ, che Jára, Nde ningo reikuaa che rohayhuha. Hesu he’i ichupe: Eñangareko che ovecha ra’ykuéra rehe.

1 Corintoyguakuérape 9:15

Che voi ndaiporúi ko derécho arekóva, ni ndahaíri ko mba’e kóva oñeme’ẽ hag̃ua chéve che remikotevẽ amyasãi hag̃ua Hesu Crísto ñe’ẽ porãite. Amanoseve ajerure rãngue koichagua pytyvõ rehe amyasãi hag̃ua Ñanderuete ñe’ẽ porãite, ha avave ndoipe’amo’ãi chehegui ko terakuã arekóva.

1 Corintoyguakuérape 9:22

Ikangýva apytépe che aiko avei ikangýva ramo, ahupity hag̃ua ichupekuéra pe evangélio rupi. Opavavépe g̃uarã aiko ha’ekuéraicha, anohẽkuaa hag̃ua mbovymíme jepe heko vaígui, (Ñanderuetépe g̃uarã).