Lúcas 16:9

Ñanderuete Ñe’ẽ Porã 2015

Ha Che ningo ha’e voi peẽme: Pembovy’a pene irũnguérape pende pirapire rupi, ha pende sogue ramo pene irũnguéra penemog̃uahẽta hógape peikove aja pukukue.

Referencias Cruzadas

Salmokuéra 73:26

Oñembyai ramojepe che ro’o ha che py’a, Nde, che Ruete repytava’erã che mba’erepyetéva.

Mga Kawikaan 14:24

Umi heko potĩva oñembojegua iñarandúpe; ha umi ivýrova, iñembotavy rekópe.

Mga Kawikaan 19:17

Upe oipytyvõva imboriahúvape ome’ẽhína Ñanderuetépe, ha pe mba’eporã ojapóva, oñemyengovia jevyva’erã ichupe.

Mga Kawikaan 23:5

Rema’ẽ porã vove umi mba’erepyeta rehe, rehecháta ohopamaha. Oñembopepótagui, ku ñapykani pepóicha, ha oveveva’erã yvate ára rehe.

Eclesiástes 11:1

Emyasãi ne rembi’u (pirapire) umi yguasu apére; heta áño rire ou jevyva’erã.

Isaías 57:16

Ndachepochymo’ãi tapiaite ni ndorohaviramo’ãi opaite árape, ỹrõ oimeraẽva pytu ojepy’apyetereíta ha yvyarigua ánga ojejopyetereíta, umíape Che voi amoingovemava’ekue.

Daniel 4:27

Upévagui ajerure che retã ruvichápe, ejapo che ha’étava ndéve: Ne angaipa rendaguépe eporoporiahuvereko ha embojovake hekópe, ha nde reko ñaña rendaguépe eipytyvõ umi imboriahúvape, umi mba’e rupi ikatu rembopukumive jevy nde py’aguapy.

Matéo 19:21

Ha Hesu he’i ichupe: Nde reko porãmbase ramo, tereho eñemumba opaite mba’e reguerekóva guive rehe, ha hepykue eme’ẽmba mboriahúpe, ha reguerekóta mba’erepyeta yvágape, ha upéi eju che rapykuéri.

Matéo 6:19

Ani pembyaty pirapireita ko yvy ári, kupi’i ha ao raso ombyai hag̃uáme, ha mondahakuéra omonda hag̃uáme,

Matéo 6:24

Avave ndaikatúi oservi mokõi járape; upéicharamo ndaija’emo’ãi peteĩva rehe, ha ohayhuvéta ambuépe, térã oñembojáta peteĩre ha oñemboykéta ambuégui. Ndaikatúi peẽ peiko Ñanderuete rembiguái ha avei pirapire rembiguái ramo.

Lúcas 11:41

Peme’ẽ katu pende pirapire mboriahukuérape py’aporã reheve, ha pende py’apy iporã ramo opaite pene rembiapo pejapóva guive pende rete rupi iporãmbáta avei.

Lúcas 12:33

Pevende umi mba’e perekóva peipytyvõ hag̃ua mboriahukuérape, ani pembyaty pende pirapire ko yvy apére oñehundipahápe, pembyaty uvei pende pirapire yvágape, péva he’ise pejapo mba’eporã pende pirapire rupi pende rapicha mboriahu rekovépe. Yvágagui noñemondamo’ãi pende pirapire, ni kupi’i nombyaimo’ãi nde pláta.

Lúcas 14:14

Ha nde revy’aveva’erã, ha’ekuéra ndaikatúigui omyengovia ne rembiapo porã, ág̃a oñemyengoviáta ndéve umi heko potĩva oñemoingove jeyha árape.

Lúcas 16:11

Peẽ ndapeiporúi ramo hekópe pe pirapire oñeme’ẽmava’ekue peẽme peñangareko hag̃ua, mávapa upéicharamo ome’ẽne peẽme umi me’ẽmby yvága peguáva.

Lúcas 16:13

Peteĩ tembiguái ndaikatúi omba’apo mokõi patrónpe g̃uarã, opoiva’erã ipatróngui, ohayhu hag̃ua ambuépe, ipatron pyahúpe, térãpa omoirũva’erã peteĩme omboyke hag̃ua ambuépe. Peẽ ndaikatúi peservi Ñanderuetépe ha pirapirépe avei.

Lúcas 16:4

Aikuaáma, mba’épa ajapóta che patron chemosẽ ramo hógagui, aháta umi odevéva ichupe rógape.

Apostolkuéra 10:31

Ha péva he’i chéve: Cornélio, ne ñembo’e ha ne ñepytyvõ reme’ẽva mboriahukuérape Ñanderuete ohendúma ha ohechapáma.

Apostolkuéra 10:4

Ha Cornélio oma’ẽ hatãvo hese oporandu ichupe kyhyjepópe: Mba’e piko oime, che jára. Ha pe ángel ombohovái ichupe: Ne ñembo’e ha ne ñepytyvõ reme’ẽva mboriahukuérape ojupíma kuave’ẽmby ñemandu’a reheguáva ramo Ñanderuete renondépe.

2 Corintoyguakuérape 4:17

Umi mba’e ore rohasavaroína ivevúi, rohasa asy ramojepe, roikuaágui uperire roguerekotaha hetave teko mimbipa ha vy’a añeteguáva.

Júdas 1:21

Peñeñongatu Ñanderuete mborayhupype, peha’ãrõ Ñandejára Hesu Crísto ou jevy peve iporiahuvereko reheve peiko hag̃ua hendive tapia g̃uarã.