Lúcas 16:7

Ñanderuete Ñe’ẽ Porã 2015

Ha pe capataz oporandu pe mokõiháme: Mba’épa nde redeve che patrónpe. Ha ha’e ombohovái: Che adeve ichupe 400 vosa trígo. Upérõ pe capataz he’i ichupe: Kóina ápe oĩ nde kuatia, eguapy ha emoĩnte 320.

Referencias Cruzadas

Matéo 18:28

Ha pe tembiguái osẽvo pe tetã ruvicha guasu rendágui ojohu peteĩ hapicha odevéva ichupe peteĩ vaka repýnte ha ha’e opo ijajúra rehe ojuvy hag̃uáicha ha he’i ichupe: Reme’ẽtapa ko’ag̃aite chéve pe pirapire redevéva.

Lúcas 16:6

Ha peteĩha he’i pe capatázpe: Che adeve nde patrónpe 100 kambuchiguasu acéite, 4.000 lítro rupi. Ha pe capataz he’i ichupe: Ejapyhy nde kuatia, eguapy ha emoĩnte 50 kambuchiguasu, 2.000 lítro rupi.

Lúcas 16:8

Ha pe patron ohecha ramo icapataz rembiapo vai omomba’e ichupe iletrádo haguére. Ko’ã ára atyguasu ra’ykuéra ningo iletradove umi tesape ra’ykuéragui.

Lúcas 2:37

Ha’e opytava’ekue viúda ha ohupitýma 84 áño. Ha’e ndojeivéi Ñanderuete rogaguasúgui, arakue ni pyharekuépe, oservi uvei ñande Ruetépe oñembo’évo ha ohasávo heta ára okaru’ỹre (ajúnope).

Lúcas 20:12

Upérõ pe parralty jára ombou ambueve hembiguáipe; kóvape oinupã avei hikuái ha omosẽ ichupe po nandi.

Lúcas 20:9

Upérõ Hesu omombe’u hetãyguakuérape ko ñe’ẽ mbojoja kóva: Peteĩ kuimba’e oñotỹ heta parral, ha oiporuka hepýre umi oñangarekoséva pe parralty rehe ha oho hi’are hag̃ua tetã ambuépe.