Lúcas 16:23

Ñanderuete Ñe’ẽ Porã 2015

Ha’e ohasa asyete aja aña retãme, ojesaupi ha ohecha mombyryete Abrahámpe, ha hendive ohecha avei Lázarope.

Referencias Cruzadas

Salmokuéra 16:10

Nderehejamo’ãi che ánga omanómava retãme, ha nderehejamo’ãi umi ojeroviáva nderehe oñehundi hag̃ua.

Salmokuéra 49:15

Ñanderuete katu cheguenohẽta ñemano pu’akágui, ha Ha’e chegueraháta hendive (yvágape). Selah

Salmokuéra 86:13

Tuichaiterei ningo nde poriahuvereko chendive g̃uarã, reguenohẽgui che ánga umi omanómava retãgui.

Salmokuéra 9:17

Iñañáva ojeguerahapáta omanóva retãme, opaite umi hesaráiva guive Ñanderuetégui.

Mga Kawikaan 15:24

Iñarandúvape g̃uarã pe tekove porã rape ojupive ohóvo (yvága gotýo) ha péicha oñemomombyryve ohóvo omanomava’ekue retãgui.

Mga Kawikaan 5:5

ipykuéra ojepoi ñemano rape gotýo, iguata oho aña retã gotýo.

Mga Kawikaan 7:27

Hógape oñepyrũ aña retã rape, hóga rokẽ rupi oñeg̃uahẽta omanómava retãme.

Mga Kawikaan 9:18

Ha’ekuéra ndoikuaái katu upépe oĩha umi omanomava’ekue; ha umi ha’e ohenóiva oĩha omanomava’ekue retã ruguaitépe.

Isaías 14:15

Ko’ág̃a katu rejeity omanómava retãme, pe hugua mombyryvehápe.

Isaías 14:9

Umi omanóva retãygua oñemondýi ndehegui rejúrõ g̃uarã, nde remopu’ã iguapyhaguasúgui mayma mburuvichakue ha tetã ruvichakuépe.

Matéo 11:23

Ha nde, Capernaum, rejehupíva yvága peve rejeitýta aña retã meve: Sodómape ojejapo rire umi tembiapo techapyrãva ojejapomava’ekue pende apytépe, opytava’erãmo’ã gueteri ko’ag̃aite peve.

Matéo 18:9

Ha nde resa peteĩva ndegueraha ramo tembiapo vaípe eipe’a ha emombo okápe, iporãve ningo reike pe tekove tapia g̃uarãvape nde resa peteĩ reheve, ha ani nde resa mokõive reheve reñemombo tata rendýpe, aña retãme.

Matéo 23:33

Peẽ mbói ha mbói ñemoñarenguéra. Mba’éichapa pekañýta pe jehavira aña retã meguágui.

Matéo 5:22

Che katu ha’e peẽme: Oimeraẽ ipochýva ityke’ýra ndive, oñembojovakeva’erã itáva mbojovakeharakuéra renondépe; ha umi he’íva ityke’ýrape ndevýro, oñembojovakeva’erã hetã mbojovakeharakuéra renondépe, ha umi he’íva ndetarova, ho’ava’erã aña retã ratápe opa’ỹvape.

Matéo 5:29

Upévare nde resa akatúa nemoñepysãngáta ramo tembiapo vaípe, eipe’a ha emombo mombyry, iporãve oñehundi peteĩ nde rete rehegua, oñemombo rãngue opaite nde rete reheve aña retãme.

Matéo 8:29

Ha mokõivéva osapukái ha he’i: Mba’épa roguereko nendive, Nde Ñanderuete Ra’y. Rejúpa oremyangekõi hag̃ua og̃uahẽ mboyve ore ára.

Lúcas 16:24

Upérõ pe imba’e retava’ekue osapukái ha he’i: Che ru Abraham, cheporiahuverekomína ha ere Lázarope tomyakỹ ikuã apỹi ýpe ha tou ombopiro’ymi hag̃ua che kũ, che ahasa asyetereígui ko tata rendýpe.

Lúcas 16:28

Areko ningo 5 che ryvy ha eavisa porã ichupekuéra, ani hag̃ua ou hikuái avei ko tenda ojehasa asyetereihápe.

Lúcas 8:28

Ha’e ohechávo Hesúpe ojeity henondépe ha osapukái he’ívo: Mba’e piko areko che nendive, nde Hesu, pe Yvatevéva Jára Ra’y, che ajerure ndéve ani chemyangekõinte jepe.

1 Corintoyguakuérape 15:55

Ñemano moõpa oime nde pu’aka. Ñemano, moõpa oime ne popía.

2 Pédro 2:4

Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

Apocalípsis 20:10

Ha Satana, pe tapia ombotavýmiva ichupekuéra, oñemombo pe lágo hendyhápe tata ha azúfre, oĩháme avei upe mymba ha proféta japu. Upépe ohasa asyetéta ára ha pyharépe ára atyguasu guive ára atyguasu peve g̃uarã (tapia g̃uarã).