Lúcas 16:2

Ñanderuete Ñe’ẽ Porã 2015

Upévare ha’e ohenói icapatázpe ha he’i ichupe: Mba’e piko ko ahenduva’aína nderehe. Emoĩmba hekópe opaite cuénta, nde ndaikatuvéima reiko che capataz ramo.

Referencias Cruzadas

Eclesiástes 12:14

Ñanderuete ombojovakéta opaichagua yvyarigua rembiapo, ta’iporã térã ta’ivai, ñemiháme ramojepe ojejaporaka’e ko’ã mba’e.

Matéo 12:36

Ha Che ha’e peẽme opaichagua ñe’ẽ rei yvyariguakuéra he’íva guive, Ñanderuete ohepyme’ẽva’erã ichupe upe ñembojovakeha árape.

Matéo 20:8

Ka’aru pytũvo pe parralty jára he’i imba’erepy rerekuápe: Ehenói umi mba’apoharakuérape ha eme’ẽ ichupekuéra hembiapo repy, eñepyrũ umi ipaha pegua ndive ha upéi umi tenondeveguarépe.

Lúcas 12:20

Ñanderuete katu he’i ichupe: Ndevýro, ko pyhare kóvape ojejeruréta ndéve ne ánga, ha opaite mba’e rembyatyva’ekue piko, mávape g̃uarã opytáta.

Lúcas 12:42

Ha Hesu ombohovái ichupe: Máva piko pe capataz heko peguáva ha iñakã porãva omyakã hag̃ua ijára rembiguaikuérape okaru hag̃ua hi’oraitépe.

Lúcas 16:1

Upérõ Hesu he’i hemimbo’ekuérape: Peteĩ kuimba’e imba’eitáva icapataz peteĩva, oñemombe’u katu ipatrónpe icapataz ohundipaha ohóvo imba’eita.

Lúcas 16:3

Upémaramo pe capataz he’i ipy’apýpe: Mba’épa ajapóta ko’ág̃a. Che patron ndoipotái che apytave icapataz ramo. Ajo’o hag̃ua nachembarete porãi, ha atĩ ajerure hag̃ua che remikotevẽ rehe.

Romayguakuérape 14:12

Upévare peteĩteĩ ñande ñañemombe’uva’erã Ñanderuete renondépe, (opaite mba’e jajapova’ekue ñande rekove pukukue).

1 Corintoyguakuérape 1:11

Oje’e ningo chéve penderehe, Cloe rogaygua rupi, oĩha ñorãirõ pende apytépe.

1 Corintoyguakuérape 4:2

Oñeha’ãrõ ningo ko’ã terekua (capataz) tojejohu hekópe ha opia’ỹre heko porãgui.

1 Corintoyguakuérape 4:5

Upévare peha’ãrõ Hesu Crísto ouha ára peve, Ha’e ombojovake hag̃ua. Ha’e voi omyesakãmbáta umi mba’evai ha iporãva oñemivahína pytũmbýpe jepe, ha Ha’e ohechaukáta ñande py’apy rembipota jepe; upépe ae peteĩteĩva ohupitýta pe hekopeteguáva Ñanderuetégui.

2 Corintoyguakuérape 5:10

Opavave ñande jajehechaukava’erã Hesu Crísto ñembojovakehápe, oñeme’ẽ hag̃ua ñandéve ñane rembiapokue repy, ta’iporã térã ta’ivai jepe ra’e.

1 Timotéope 4:14

Ani remboyke nde Pytu Porãmbáva me’ẽmby, oñeme’ẽmava’ekue ndéve peteĩ profecía rupi, umi karai anciáno, omoĩ ramoguare ipo ne akã ári.

1 Timotéope 5:24

Iglesiayguakuéra apytépe oime umi ñane hermáno angaipa ojehecha pya’éva pe ñembojovake ára mboyve, ha ambue tembiapo vaikuéra katu ojekuaava’erã uperire aémante.

1 Pédro 4:10

Peñopytyvõ pe Pytu Porãmbáva me’ẽmby rupi, Ñanderuete ome’ẽ haguéicha peteĩteĩme umi hemime’ẽmby juavymbyréva apytégui. Peiporu hekópe umi me’ẽmby peteĩ capataz iporãvaicha ambuekuérape g̃uarã.

1 Pédro 4:5

Og̃uahẽva’erã pe ára ha’ekuéra oñemombe’u hag̃ua pe mbojovakehára oñembosako’íva renondépe, Ha’e ombojovakeva’erã umi omanova’ekuépe ha umi oikovévape.

Apocalípsis 20:12

Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.