Lúcas 16:16

Ñanderuete Ñe’ẽ Porã 2015

Moises rembiapoukapykuéra ha profetakuéra ñe’ẽ oikóma Juan Bautísta peve, ha ha’e rire oñepyrũma oñemombe’u Ñanderuete retãguasu ha opavave oñeha’ã mbaretépe oike hag̃ua ipype.

Referencias Cruzadas

Matéo 10:7

Tapeho, peikuaauka: Hi’ag̃uimaha Ñanderuete retãguasu ñesãmbyhy,

Matéo 15:11

Umi mba’e oikéva ñande jurúpe nañanemongy’ái, umi ñe’ẽ ñande jurúgui osẽva katu ñanemongy’a.

Matéo 21:32

Juan ningo ouva’ekue peẽme teko porã rapépe ha ndapegueroviái ichupe, impuésto mbyatyharakuéra ha kuña heko vaíva katu oguerovia ichupe. Peẽ pehecha upéva ha napeñembyasýi pene rembiapo vaígui peguerovia hag̃ua avei ichupe.

Matéo 3:2

Peñembyasýke, pejapo haguére mba’evai ha pejevýke Ñanderuete rendápe, Ha’e oisãmbyhýtama hetãguasúpe.

Matéo 4:17

Upete guive Hesu oñepyrũ omyasãi Ñanderuete ñe’ẽ ha he’i: Pejevýke Ñanderuete rendápe, hi’ag̃uíma Ñanderuete retãguasu ou hag̃ua.

Matéo 4:23

Ha Hesu oguata Galiléa departaménto tuichakue rupi, ombo’e hag̃ua Ñanderuete rogakuérape, omyasãi Ñanderuete evangélio (marandu porã) ha omonguera opaichagua hasývape ojeguerúva guive hendápe.

Márcos 1:14

Juan ho’a rire cárcelpe, Hesu oho Galiléape omyasãi hag̃ua Ñanderuete ñe’ẽ porãite.

Márcos 1:45

Ha’e katu oho guive omombe’u ha omosarambi oparupiete pe ojehumava’ekue ichupe; upévarehe Hesu ndaikatuvéi ojechauka oimeraẽva távape, opytámante okaha rupi, desiertohápe, ha oparupígui ou hendápe.

Lúcas 10:11

Pe yvy timbo ojáva ore py rehe jepe pende távagui, roityvyro jey pendeári oñemoĩ hag̃ua penderehe, ha peikuaa porãke Ñanderuete retãguasu oñemoag̃ui hague pene rendápe.

Lúcas 10:9

ha pemonguera umi hasývape, ha peje ichupekuéra: Pene rendápe oñemoag̃uíma Ñanderuete retãguasu.

Lúcas 16:29

Abraham katu he’i ichupe: Ha’ekuéra oguereko Moises ha profetakuéra kuatiañe’ẽ, tohendu ha tojapo hikuái ojehaiuka haguéicha.

Lúcas 16:31

Abraham katu he’i ichupe: Ha’ekuéra nohenduséi ramo Moises ha profetakuérape, nohendumo’ãi avei peteĩ opu’ã ramojepe omanova’ekue apytégui.

Lúcas 9:2

Ha omondo ichupekuéra omombe’u hag̃ua Ñanderuete retãguasu og̃uahẽmaha, ha omonguera hag̃ua hasývape,

Juan 1:45

Ha Felípe ojohu Natanaélpe ha he’i ichupe: Rojohu ningo pe kuimba’épe, Moises ha profetakuéra he’imava’ekue outaha: Hesu, Jose ra’y, Nazaret pegua.

Juan 11:48

Jahejánte ramo péicha, opavavete ojeroviáta hese, ha Romayguakuéra oúta oipe’a hag̃ua ñandehegui Ñanderuete rogaguasu renda ha opaite ñane retã avei.

Juan 12:19

Upéramo umi fariséo he’i ojupe: Pehechápa, ndaikatúi jajapo mba’evete. Opavave ningo omoirũ ichupe ha oho hapykuéri.

Juan 5:4

Peteĩ ángel sapy’a py’a oguejy Ñanderuete rekohágui ha omomýi pe y. Ha upe oike raẽva pe y oñemomýi jave, okuera opytávo oimeraẽ mba’asy oguerekóvagui.

Apostolkuéra 3:18

Ñanderuete katu oipota opaite ko’ã mba’e ojehu, Ha’e voi oikuaaukáma avei yma guive iprofetakuéra rupi: Crísto ohasa asytaha,