Lúcas 16:10

Ñanderuete Ñe’ẽ Porã 2015

Upe oiporúva hekópe umi mba’e michĩ oñeme’ẽva ichupe oñangareko hag̃ua hesekuéra, ha’e oiporúta hekópe avei umi mba’e tuicháva oñeme’ẽtava ichupe oñangareko hag̃ua. Ha upe oiporúva hekope’ỹ umi mba’e michĩva, oiporúta hekope’ỹ avei umi mba’e tuicháva, oñeme’ẽtava ichupe oñangareko hag̃ua.

Referencias Cruzadas

Matéo 24:45

Máva piko pe tembiguaiguasu heko peguáva, ijára ohejáva ipoguýpe hembiguaikuérape omongaru hag̃ua ichupekuéra meme árape hi’órape.

Matéo 25:21

Ha ijára he’i ichupe: Iporãite, nde ningo che rembiguái mba’eporã ha heko peguáva; nde remba’apo porã haguére sa’i reheve, hetave amoĩta nde poguýpe; eike nde jára vy’ahápe.

Matéo 25:23

Ha ijára he’i ichupe: Iporãite che rembiguái mba’eporã ha jeroviahára (fiel), remba’apo porã haguére sa’i reheve, hetave amoĩta nde poguýpe; eike nde jára vy’ahápe.

Lúcas 19:17

Ha pe mburuvicha he’i ichupe: Nde, tembiguái katupyry, nde reñangareko porã haguére ha hekopete che pláta rehe, ame’ẽta ndéve 10 táva reisãmbyhy hag̃ua.

Juan 12:6

Júdas katu nde’íri péva oipytyvõségui imboriahúvape, ha’e omondaségui uvei pe pirapire, oñeme’ẽgui ichupe pe pirapire ryru oñangareko hag̃ua hese.

Juan 13:2

Ha ocena jave hikuái, aña omoingéma Júdas Iscarióte, Simon ra’y py’apýpe otraiciona hag̃ua Hesúpe.

Juan 13:27

Ha Júdas ho’u rire pe pan pehẽnguemi, Satana oike Júdas py’apýpe. Upérõ Hesu he’i ichupe: Umi mba’e rejapótava, ejapo pya’e.

hebreoyguakuerape 3:2

Hesu Crísto ojapo hekoitépe Ñanderuete rembipota, Moises ojapopa haguéicha avei hekoitépe Ñanderuete rembipota ojeroviáva apytépe.