Lúcas 16:1

Ñanderuete Ñe’ẽ Porã 2015

Upérõ Hesu he’i hemimbo’ekuérape: Peteĩ kuimba’e imba’eitáva icapataz peteĩva, oñemombe’u katu ipatrónpe icapataz ohundipaha ohóvo imba’eita.

Referencias Cruzadas

Genesis 15:2

Ha Abram he’i: Che Ruete, che Jára, mba’éiko reme’ẽta chéve, ndarekóigui che ra’yteéva, ahejapáne opaite che mba’e Eliézer, pe Damascoguápe, oñangarekóva opaite che mba’e rehe.

Genesis 43:19

Ha oñemboja hikuái hóga ñangarekohára rendápe, ha oñe’ẽ ichupe hikuái pe óga rokẽme.

1 Crónicas 28:1

David ombyatypa mburuvichakuérape, tríbu ruvichakuérape, umi soldádo atyguasu ruvichápe, umi 1.000 ha 100 arigua ruvichakuérape, umi oñangarekóva tetã ruvicha mba’erepyeta rehe ha ita’yrakuéra rehe, ha umi soldádo ruvichaguasúpe, ipoguýpe opyta umi kuimba’e poguasu ha ipy’aguasuvéva.

Mga Kawikaan 18:9

Pe iñate’ỹva rembiapo ojogua pe tapicha omombo reívape ipirapire.

Oséas 2:8

ha’e ohechakuaa rãngue Che voi ame’ẽ hague ichupe trígo, víno, acéite, pláta ha óro, umía ningo che jopói, ha’e katu oiporu vaipa umía ha oikuave’ẽ ambue jára gua’úpe, hérava Baal.

Matéo 20:8

Ka’aru pytũvo pe parralty jára he’i imba’erepy rerekuápe: Ehenói umi mba’apoharakuérape ha eme’ẽ ichupekuéra hembiapo repy, eñepyrũ umi ipaha pegua ndive ha upéi umi tenondeveguarépe.

Lúcas 12:42

Ha Hesu ombohovái ichupe: Máva piko pe capataz heko peguáva ha iñakã porãva omyakã hag̃ua ijára rembiguaikuérape okaru hag̃ua hi’oraitépe.

Lúcas 15:13

Ndahi’aréi ko ita’ýra imitãvéva ombyatypa oñeme’ẽmava’ekue ichupe ha oho mombyry tetã ambuépe, ha upépe oiporu vaipa oguerekóva guive iñirũ pyahu ndive, kuña heko vaíva ndive ifarrahakuérape.

Lúcas 15:30

Ha og̃uahẽvo katu ko nde ra’y ohundipava’ekue imba’eita kuña reko vaikuéra ndive, rejukauka ichupe g̃uarã pe vaka ra’y ikyravéva.

Lúcas 16:19

Oiko ningo peteĩ imba’e retáva, oñemondéva ao porã ha hepyetévape, ha ojapómiva karuguasu meme árape.

Lúcas 16:2

Upévare ha’e ohenói icapatázpe ha he’i ichupe: Mba’e piko ko ahenduva’aína nderehe. Emoĩmba hekópe opaite cuénta, nde ndaikatuvéima reiko che capataz ramo.

Lúcas 19:20

Ha ou pe tembiguái mbohapyha ha he’i imburuvichápe: Karai na’ápe oĩ nde 3.000.000 guarani, añongatuva’ekue peteĩ ao pehẽnguépe.

Lúcas 8:3

ha Juána, Chuza rembireko, ha’e Heródes rembiguaiguasu, Susána ha heta ambue kuñakarai oipytyvõva Hesúpe imba’eitágui.

Títope 1:7

Pe karai anciáno oikova’erã iglesiaygua rerekua añetegua ha heko peguáva ramo, anítei ha’e ojapo ha’e voi oipota háichante, anítei ipochy, anítei oka’u, anítei oporonupã ha anítei ipirapire rayhu,

Tiágo 4:3

Pejerure ha ndapehupitýi, peiporu vaise ha pemohyg̃uatãségui pende rete rembipota vaínte.

1 Pédro 4:10

Peñopytyvõ pe Pytu Porãmbáva me’ẽmby rupi, Ñanderuete ome’ẽ haguéicha peteĩteĩme umi hemime’ẽmby juavymbyréva apytégui. Peiporu hekópe umi me’ẽmby peteĩ capataz iporãvaicha ambuekuérape g̃uarã.