Ha ojohúvo ichupe ohupi vy’apópe ijati’y ári.
Ha’ekuéra omboherava’erã Israélpe: Tetã heko potĩva, Ñanderuete ojoguamava’ekue; ha hérata: Táva Ha’e ohayhúva, Ñanderuete rekoha.
Peteĩ karia’y omenda háicha peteĩ kuñataĩ rehe, péicha nde apohare omendáta nderehe; ha pe ména ovy’a háicha hembireko ndive, péicha avei nde Jára ovy’áta nendive.
Ha’ekuéra ojejopy vaiete jave, Ha’e ojepy’apy avei, upévagui Ñanderuete ombou ijyvága rembijokuái oipytyvõ hag̃ua ichupekuéra, Ha’e ipy’aporã ohay’úgui ichupekuéra. Ha’e ojogua ichupekuéra ha omopu’ã jevy jey ha ohupi ichupekuéra ijyva ári ymaite guive.
Avy’ánepa omano ramo heko vaíva, he’i pende Ruete. Nahániri, ndavy’aichéne heko vaíva omano ramo, avy’a katu heko vaíva opoi ramo heko vaígui oikove hag̃ua.
Ere ichupekuéra: Che rekovére, he’i pende Ruete, ndaipotái pe heko vaíva omano, aipota uvei ojevy hape vaígui, upévare pejevy peikove hag̃ua, pejevy joaite pende rape vaígui; mba’érehe piko pemanose peẽ, Israel retãyguakuéra.
Upéramo pe mburuvichaguasu og̃uahẽta ha oñangarekóta hetã rehe pende Ruete pu’aka reheve ha oisãmbyhýta hetãme oiko hag̃ua py’aguapýpe pende Ruete rérape ha Ha’e ombotuicháta ichupe ko yvy paha peve.
Moõ piko oĩ ndeichagua Jára, operdonáva mba’evai ha hesaráiva hetãyguakuéra rembyre rembiapo vaígui. Naimandu’áiva tapia g̃uarã umi mba’e ombopochýva rehe, ovy’a uvei Ha’e oiporiahuvereko ramo.
Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.
Ko’ág̃a ningo javy’a ha ñanderoryva’erã, ko nde ryvy kóva ningo omanomava’ekue, ha péina oikove jeýma, okañyva’ekue ha péina ojejohu jey ichupe.
Mba’eichagua kuimba’épa pende apytépe oguereko ramo 100 ovecha ha okañy ramo peteĩ ovecha ijatýgui, ndohejaichéne ñúme umi 99 oheka hag̃ua pe okañyva’ekuépe ojohu peve.
Ha og̃uahẽvo hógape ombyaty iñirũnguéra ha hóga ypy peguápe, he’ívo ichupekuéra: Pevy’a chendive, ajohu haguére che ovecha okañyva’ekuépe.
Upérõ Hesu he’i ichupe: Ko ára kóvape ojesalva ko óga jára, ha’e ningo avei Abraham ñemoñare.
Ha Hesu ombohovái ichupe: Añetehápe, Che ha’e ndéve, ko ára kóvape reiméta chendive paraísope.
Ko’ã mba’e ko’ãva Che ha’éma peẽme che vy’a oĩ hag̃ua pendepype, ha penerenyhẽ hag̃ua vy’águi.
Ha’e ningo ñande Apohare ha Ha’e ñanemoingoveva’ekue Hesu Crísto rupi jajapo hag̃ua Ha’érupi ñane rembiapo porã, Ha’e ombosako’ipamava’ekue voi ñandepype, jajapokuaa hag̃ua ipu’aka rupi ñane rembiapo porã, ha jaguata hag̃ua ipype.
Che, Páblo, aiko Hesu Crísto remimondo ramo Ñanderuete mborayhu me’ẽmby ha ipu’aka rupi, che amyasãi hag̃ua Ñanderuete ñe’ẽ porãite (evangélio).
ha peẽ peikuaa porã avei ore rombohasa ramoguare ko evangélio (Ñanderuete ñe’ẽ porãite) peẽme, ore noromombe’úi ore ñe’ẽ ore juru reínte, romyasãi uvei Pytu Porãmbáva pegua pu’aka reheve, roikuaa porãgui pe añetegua, ha peẽ penemandu’a porã gueteri mba’éichapa ore roikova’ekue pende apytépe.
ha opáyvo ojehekýi Satana ñuhãgui, oiko hag̃ua Ñanderuete rembipota poguýpe.
Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.
Ñanderuete ipu’aka rupi, oñangareko penderehe pejeroviaháre hese ha pehupity hag̃ua pe salvacion ojehechaukátava ára pahápe.
