Lúcas 15:4

Ñanderuete Ñe’ẽ Porã 2015

Mba’eichagua kuimba’épa pende apytépe oguereko ramo 100 ovecha ha okañy ramo peteĩ ovecha ijatýgui, ndohejaichéne ñúme umi 99 oheka hag̃ua pe okañyva’ekuépe ojohu peve.

Referencias Cruzadas

Salmokuéra 119:176

Che añehesatĩna ramo ku ovecha okañývaicha, ehekána ne rembiguáipe, ndacheresaráirigui ne rembiapoukapýgui.

Isaías 53:6

Mayma ñandekuérava japia joaite tape porãgui ku ovecháicha, peteĩteĩva opia ha oho hape rehe; Ñanderuete katu omoĩ hi’ári (Hesu Crísto) ñane rembiapo vaikue (angaipa) repy.

Jeremías 33:13

Umi táva oĩva cérrope ha yvypépe, umi táva oĩva Négevpe ha Benjamin yvýpe, Jerusalen jerekuévo, ha ambue táva oĩva guive Juda yvýpe, opárupi ojehecha jevýta umi tymba rerekua oipapáva hymbakuérape, he’i pende Ruete.

Jeremías 50:6

Israel ojogua peteĩ ovecha aty oñedesatinávape herekua ojavyuka hetãnguérape, omboguata vai ichupekuéra umi cérrore; oguata rei umi cérro ru’ã rehe, ha hesarái hikuái ijovecha korapýgui.

Ezequiel 34:16

Che ahekáta upe okañývape, ha agueru jevýta korapýpe upe osẽ reiva’ekuépe ijatýgui, ajokuáta hetyma opẽva’ekuépe, ha amombaretéta ikangývape; ahundita katu umi ikyra ha imbaretévape; hekoitépe añangarekóta ambuekuéra rehe.

Ezequiel 34:31

Ha peẽ, che ovechakuéra, Che añangarekóta penderehe pe ñu porãme, yvyariguakuéra ningo peẽ, Che katu pende Jára, he’i pende Ruete.

Ezequiel 34:4

Napemombaretéi umi ikangývape ha napeipohãnói umi hasývape; ndapejokuái hetyma upe opẽvape, ndapegueruvéi atýpe pe oñemomombyrymava’ekuépe, ndapehekái pe okañyva’ekuépe, peikónte peñembojára hesekuéra mbaretepópe ha peikosénte pende reko vaípe.

Ezequiel 34:8

Che rekovére, he’iuka pende Ruete, che ovecha aty oñemondapágui ha oikopágui mymba ñarõ ñu rupigua rembi’u ramo, oikógui hikuái herekua’ỹre; ha umi che rerekua ndohekái che ovechakuérape, oikónte uvei oñeñangareko ijehe, ha noñangarekói che ovechakuéra rehe;

Matéo 12:11

Ha Ha’e he’i ichupekuéra: Mávapa peẽkuérava oguereko ramo peteĩ ovecha ha péva ho’a ramo sábado árape yvykuápe, noñeha’ãmo’ãipa oguenohẽ hag̃ua upégui.

Lúcas 13:15

Hesu katu ombohovái ichupe he’ívo: Nde tova mokõi, peẽ voi pejora avei sábado árape pene rymba guéi ha pende búrro ikaruhágui pemboy’u hag̃ua.

Lúcas 15:3

Upérõ Hesu omombe’u ichupekuéra ko ñe’ẽ mbojoja kóva ha he’i:

Lúcas 19:10

Pe yvyarigua Ra’y ningo ou yvy apére osalva hag̃ua umi oñehundiva’ekuépe.

Romayguakuérape 2:1

Upévare, nde kuimba’e térã nde kuña ndaiporimo’ãi ndéve g̃uarã peteĩ discúlpa taha’e ha’éva, umi mba’e nde rembojovakéva nde rapicha rekovépe, upeichaite Ñanderuete nembojovake jevyva’erã avei ne rembiapokue rehe.

1 Pédro 2:25

Peẽ peikova’ekue ku ovecha kañymbyréicha, ko’ág̃a katu pejevýma pende rerekua rendápe, Ha’e oñangareko hag̃ua pene ánga rehe.