Lúcas 15:10

Ñanderuete Ñe’ẽ Porã 2015

Che voi ha’e peẽme, oikoha vy’aguasu Ñanderuete angelkuéra apytépe peteĩ angaipavóra ojevy ramo Ñanderuete rendápe.

Referencias Cruzadas

Ezequiel 18:23

Avy’ánepa omano ramo heko vaíva, he’i pende Ruete. Nahániri, ndavy’aichéne heko vaíva omano ramo, avy’a katu heko vaíva opoi ramo heko vaígui oikove hag̃ua.

Ezequiel 18:32

Chéve nachembovy’ái pe tekove ñaña omano ramo, he’i pende Ruete; upévagui pejevýna che rendápe peikove hag̃ua.

Ezequiel 33:11

Ere ichupekuéra: Che rekovére, he’i pende Ruete, ndaipotái pe heko vaíva omano, aipota uvei ojevy hape vaígui, upévare pejevy peikove hag̃ua, pejevy joaite pende rape vaígui; mba’érehe piko pemanose peẽ, Israel retãyguakuéra.

Matéo 10:32

Upévare oimeraẽ ohechaukáva chekuaaha yvyariguakuéra apytépe, Che avei aikuaaukáta ichupe che Ru yvága pegua renondépe.

Matéo 18:10

Cháke, ani pejapo’i ko’ã ojeroviaramóvape, Che ningo ha’e peẽme ijyvága rembiguaikuéra (angelkuéra) tapiaite ohecha che Ruete rova.

Matéo 18:14

Upéicha pende Ruete yvága pegua ndoipotái oñehundi peteĩnte jepe ko’ã ojeroviaramóva apytégui.

Lúcas 12:8

Che ningo ha’e peẽme oimeraẽva otĩ’ỹva omombe’u hag̃ua che réra tetãyguakuéra renondépe, pe yvy arigua Ra’y notĩmo’ãi avei omombe’u hag̃ua héra Ñanderuete angelkuéra renondépe.

Lúcas 12:9

Ha upe chemboykéva hapichakuéra renondépe, Ñanderuete omboykeva’erã avei ichupe hi’angelkuéra renondépe.

Lúcas 13:5

Nahániri, Che ha’e peẽme, ha peẽ napeñembyasýi ramo pejapo haguére mba’evai, katuete peẽ péicha peñehundipáta avei.

Lúcas 15:11

Hesu omombe’u ambue ñe’ẽ he’ívo: Peteĩ kuimba’e ita’ýra mokõiva.

Lúcas 15:7

Che voi ha’e peẽme, ovy’aveva’erã yvagayguakuéra peteĩ angaipavóra ojevy ramo Ñanderuete rendápe, umi 99-gui, he’íva ijehe noikotevẽiva perdon rehe, heko iporãgui.

Lúcas 15:9

Ha ojohúvo ombyaty iñirũnguéra ha hóga ypy peguávape ha he’i ichupekuéra: Pevy’a chendive ajohu haguére che pláta pehẽnguemi okañyva’ekue chehegui.

Lúcas 7:47

Upévare, Che ha’e ndéve Simon: Ichupe g̃uarã oñeperdonáma iñangaipa heta, ha’e ohayhu hetágui. Upe michĩ oñeperdonava’ekue michĩ ohayhuva’erã avei.

Apostolkuéra 11:18

Ha ohendupávo ko’ã mba’e ko’ãva, okirirĩmba hikuái ha noñoñe’ẽapisevéima Pédro ndive, omomba’eguasu uvei Ñanderuetépe, he’ívo: Ko’ág̃a jaikuaa porãma Ñanderuete ohechaukamaha avei tetã ambueyguakuérape ko tekove rape ha oipota ojevy avei hikuái hendápe.

Apostolkuéra 5:19

Pe pyharépe Ñanderuete ángel katu oipe’a pe cárcel rokẽ, oguenohẽ ichupekuéra okápe ha he’i:

2 Corintoyguakuérape 7:10

Pe ñembyasy Ñanderuetégui oúva omoambueuka ñande reko ñandesalva hag̃ua, pe ñembyasy oúva ko yvy árigui ogueru pe ñemano.

Filemónpe 1:15

Ikatu ningo kovarãnte ra’e ha’e okañyva’ekue sapy’ami ndehegui, oñeme’ẽ jevy hag̃ua ndéve tapia g̃uarã.

hebreoyguakuerape 1:14

Umi yvága rembiguái (pytu katukuéra) Ha’e ombou yvy apére oipytyvõ hag̃ua umi ojesalvátavape.