Lúcas 13:34

Ñanderuete Ñe’ẽ Porã 2015

Jerusalen, Jerusalen, nde ningo rejukáva umi proféta, rejapívo itápe omano meve, umi oñemboumava’ekue ne rendápe. Mboy jevy piko Che ambyatyse nde tavayguakuérape ku ryguasu kuru ombyaty háicha imembykuéra ipepo guýpe, peẽ katu ndapeipotái.

Referencias Cruzadas

Nehemías 9:26

Upéi katu oñemoĩ, ha opu’ã nderehe, ha ne rembiapoukapykuéra omombo hikuái ijatukupe gotýo, ha ojuka hikuái nde profetakuéra oikóva guivépe ijapytepekuéra ha oguatava’ekue hekoitépe nde rapykuéri, ha upéicha oñemohembiapo vaive ohóvo ne renondépe.

Nehemías 9:30

Heta áño pukukue regueropu’aka ichupekuéra, ha reñe’ẽ ichupekuéra nde Pytu Porãiteva rupi ha nde profetakuéra rupi, ha nohenduséi hikuái, ha upévare Nde remoĩ ichupekuéra ko yvy ape arigua tetãnguéra poguýpe.

Salmokuéra 149:2

Israel tahoryete ijapohare ndive, Jerusalen ra’ykuéra tovy’aite hetã ruvicha ndive.

Salmokuéra 17:8

Eñangarekomína cherehe ku nde resa ra’ỹicha, cheñomi nde pepo guýpe,

Salmokuéra 36:7

Nde, che Ruete, nde poriahuvereko iporãite: Upévagui yvyariguakuéra oñemo’ã nde pepo guýpe.

Salmokuéra 57:1

Cheporiahuverekomína, Nde, che Ruete, eiporiahuverekomína, che ánga ojeroviágui nderehe ha añemo’ãta nde pepo guýpe ohasapa peve che jepy’apy vai.

Salmokuéra 81:13

Che retã Israel ojapysaka rire che ñe’ẽ rehe, ha oiko rire che rape rehe,

Salmokuéra 91:4

Ipepópe neñuãmbáta ha kyhyje’ỹme reiméta ipoguýpe, heko añete nemo’ãta ha Ha’e oñangarekóta nderehe.

Isaías 30:15

Péicha he’i Ñanderuete, Israel Jára Heko Porãitéva: Peñembyasy ramo pejapo vai haguére ha pejevy che rendápe, pejesalva hag̃ua, peñemomirĩ ha pejerovia ramo cherehe peẽ penembarete jevýta, peẽ katu ndapeipotáikuri,

Isaías 50:2

Mba’érehepa ajúrõ guare, ndajohuiva’ekue avavépe, ha pohenói ramoguare, avave nopenái cherehe. Imbyky piko che jyva ikatu’ỹ hag̃uáicha poipytyvõ. Ndachepu’akái piko poguenohẽ hag̃ua pende jejopy vaígui. Pema’ẽ porãke, ñe’ẽ pohýi rupi ambohypa pe yguasu; umi ysyrýgui ajapo yvy perõ; umi pira y pegua itujupa ndahi’yvéigui, ha ijy’uhéigui omanomba.

Jeremías 2:30

Ainupã rei piko ra’e nde ra’ykuérape, nomyatyrõi haguére hikuái hekove. Pende kyse pukúpe pejuka pende profetakuérape, ku leõ oporomondyryrypávaicha.

Jeremías 26:23

ogueru jevy hag̃ua Uríaspe Egíptogui, ha ogueru ichupe tetã ruvicha Joacim rendápe, ha ha’e ojuka ichupe kyse pukúpe, ha hetekue oity umi mboriahu retekue oñeñotỹháme.

Jeremías 35:14

Jonadab, Recab ra’y, ñemoñarenguéra iñe’ẽrendu ha ndo’úi hikuái víno, ha ko ára kóva peve ndo’úi gueteri hikuái, hekoitépe ojapopa hikuái oje’e haguéicha ichupekuéra, Che katu añe’ẽ tapia peẽme ha peẽ nacheñe’ẽrenduséi.

Jeremías 35:17

Upévare pende Ruete, Israel Jára, Yvága Atykuéra jára he’i: Peikuaa porãke, Che aguerúta Juda ha Jerusalengua ári opaite mba’evai ha’eva’ekue guive; añe’ẽ porã hag̃ua ichupekuéra, ha’ekuéra nopenái katu cherehe.

Jeremías 6:16

Péicha he’i pende Ruete: Tapeho umi tape rupi, pema’ẽ porã ha peporandu pe tape porã ymaguare rehe, moõitépa oĩ pe tape iporãitéva, ha peguata hi’ári, pejohu hag̃ua pytu’u pene ángape g̃uarã. He’i katu hikuái: Ndoroguatamo’ãi.

Lamentaciónes 1:16

Ko’ã mba’e rupi cherasẽ, che reságui osyrymanteva’erã che resay, ojeígui che ypýgui chemoangapyhy ha chemokyre’ỹva; che ra’y ha che rajykuéra oñehundipa, ipu’akágui cherehe ija’e’ỹva.

Lamentaciónes 4:13

Ko’ã mba’e ojehu proféta rembiapo vai rupi ha ipa’ikuéra oñohẽ reiva’ekuégui umi heko potĩva ruguy.

Oséas 11:2

Che ahenói heta ramojepe ichupekuéra ha’ekuéra ojeive chehegui, oikuaave’ẽ Baalkuérape ha omotĩmbo mba’e ryakuã porã ambue jára ra’ãngakuérape.

Oséas 11:7

Che retã oñemoĩse voínte cherehe, amopu’ãse ramojepe yvate ichupekuéra, ha’ekuéra ndoipotái.

Joel 2:23

Peẽ, Jerusalengua, pevy’aite ha penderory joaitéke pende Jára, pende Ruete ndive, Ha’e ome’ẽta peẽme pe ama hi’araitépe, ha omboukáta pendeári pe ama tenondegua ha hapykue pegua.

Zacarías 1:4

Ani peikótei pende rukueráicha, umi proféta tenondeve ouva’ekue oavisa porã hag̃ua ichupekuéra ha he’i: Péicha he’i ángel atykuéra Jára, pejevy ko’ág̃a pende rape vaígui ha pepoi pene angaipágui. Ha’ekuéra katu nopenái, ha nacherendúi, he’i pende Ruete.

Matéo 22:3

Ha omondo hembiguaikuérape ohenóivo ojeju hag̃ua pe mendahápe. Ha umi oñehenóiva ndouséi.

Matéo 22:6

ha ambue katu oapresa umi tembiguáipe ha ojahéi hese ha ojuka.

Lúcas 15:28

Upevove ha’e ipochyete ha ndoikeséi hógape, upévare itúva oho hendápe ha ojerure asy ichupe oike hag̃ua.

Lúcas 19:44

Nderehe ija’e’ỹva ndereitypáta yvýre ha ne mitãkuérape avei; ha ndohejamo’ãi peteĩ ita jepe ojo’ári, (Salmokuéra 137,7), nderehechakuaái haguére pe hóra porãitéva nde Jára ou neandúvo.

Lúcas 23:28

Hesu katu oñembojerévo he’i ichupekuéra: Peẽ Jerusalen rajykuéra, ani penerasẽ cherehe, penerasẽ uvei pendejehe ha pene membykuéra rehe.

Apostolkuéra 7:52

Opaite profetakuérape pende rukuéra ombohasa asyva’ekue, ha ojuka hikuái umi he’iva’ekuépe pe Heko Porãva outaha, ichupe peẽ ko’ág̃a peipy’ajoyvy (petraiciona) ha pejuka.

Apostolkuéra 7:59

Ha ojapi aja hikuái Estébanpe, ha’e ohenói Hesu Crístope ha he’i: Che Jára Hesu, eraha che pytu.

Apostolkuéra 8:1

Sáulo oĩ avei hendivekuéra ha ovy’a ojuka haguére hikuái Estébanpe. Umi árape oñepyrũ hikuái opersegui tuicha Hesu Crísto reheguávape Jerusalénpe, ha upévare oñemosarambipa hikuái opaite Juda ha Samária departaménto rupi umi apóstol katu opyta Jerusalénpe.

Deuteronómio 32:29

Iñarandu rire hikuái, ohechakuaava’erãmo’ã pe mba’eporãita oha’ãrõva henonderãme.

Deuteronómio 5:29

Mba’eichatamora’e ko’ã ñe’ẽ opyta porã ipy’apypekuéra ha kyhyjepópe tojapopa hikuái umi che rembiapoukapy oho porãmba hag̃ua ichupekuéra ha ita’yrakuérape g̃uarã opaite árape.

Apocalípsis 11:8

Hetekuekuéra ojehejáta ojepyso pe távaguasu cállepe, oñembohérava Pytu rehegua ñe’ẽme Sodóma térã Egípto, upépe oñemosãingova’ekue avei kurusúre Ijárape.

Rut 2:12

Ñanderuete tohechakuaapa ndéve ne rembiapo ha tomyengoviave ndéve, rejúgui ipepo guýpe Ha’e nemo’ã hag̃ua.