Lúcas 13:25

Ñanderuete Ñe’ẽ Porã 2015

Pe óga jára opu’ã rire omboty hag̃ua hokẽ peẽ peñepyrũta pepyta okẽ renondépe ha pembotáta pe okẽ pejévo: Ore Jára, eipe’ána oréve ne rokẽ; Ha’e katu ombohováita peẽme he’ívo: Che ndapoikuaái, mamoguápa peẽ.

Referencias Cruzadas

Genesis 7:16

Ha umi oúva, mácho ha kuña opaichagua to’o reheguáva, Ñanderuete he’i hagueichaite, ha uperire Ñanderuete omboty pe barcoguasu okẽ.

Salmokuéra 32:6

Ko’ã mba’e ko’ãva rupi opaite heko potĩva ojerure ndéve Nde reheja hag̃ua ndejohu, ha añetehápe yeta og̃uahẽ ramo jepe ijypýpe ndohupitymo’ãi ichupekuéra.

Isaías 55:6

Peheka pende Ruetépe, ikatu aja ojejohu ichupe, pehenói ichupe hi’ag̃ui rehe gueteri pendehegui.

Matéo 25:41

Upéi pe Tetã Ruvicha he’íta umi ijasu gotyoguápe: Pejei che ypýgui peẽ tekove ñañaita ha tapeho pe tata rendy apyre’ỹme oñembosako’imava’ekue pe aña ha umi aña retã rembiguaikuérape g̃uarã.

Lúcas 13:27

Ha’e katu he’íta peẽme: Ha’éma ningo peẽme ndapoikuaaiha, ni mamoguápa peẽ, tapehopa che rendágui peẽ mba’evai apoha.

Lúcas 3:8

Pehechauka pende a (rembiapo porã) porã rupi, peñembyasyha añetehápe peiko vai haguére, ha anítei peñepyrũ peje pendejupe: Ore ru ningo Abraham. Che ningo ha’e voi peẽme Ñanderuete ikatuha omoingo ko’ã itágui jepe Abraham ra’yrãnguéra.

Lúcas 6:46

Mba’érehe piko peẽ chembohéra che Jára, che Jára, ha ndapejapói umi mba’e Che ha’éva guive.

2 Corintoyguakuérape 6:2

Ñanderuete kuatiañe’ẽme he’i voi: Pe ára iporãvehápe che rohendu, ha pe salvacion árape che roipytyvõ. Eikuaa porãke ko’ág̃a og̃uahẽma pe ára iporãveha, ko’ág̃a oúma pe salvacion ára, (Isaías 49, 8).

hebreoyguakuerape 12:17

Peikuaa voi ningo uperire, Esau ohupityse hague avei itúva jehovasa, itúva katu ombotove ichupe. Heta tesay reheve oheka itúva ohovasa peve ichupe avei; pe jehovasa iporãvéva katu oñeme’ẽmba jepéma, (Jacóbope).