Lúcas 13:19

Ñanderuete Ñe’ẽ Porã 2015

Ojogua ningo mostáza ra’ỹime peteĩ kuimba’e oñotỹva’ekue ikokuépe, ha okakuaapa rire oiko ichugui peteĩ yvyra tuicháva, ha umi guyra ojehaitypo hakã rehe.

Referencias Cruzadas

Cantar de los cantáres 4:12

Yvotyty oñembotypyréva nde, che rembirekorãmi; yvu oñembotypyréva, nde.

Cantar de los cantáres 4:16

Kuñataĩ oñe’ẽ: Epu’ãna, yvytu yvatégui oipejúva, ha eju yvytu yvy gotýogui oipejúva; peipeju che yvotytýpe, ha ta’iñasãi tyakuã porã. Tou che mborayhu jára ijyvatýpe, ha to’u yva he’ẽ asýva.

Cantar de los cantáres 6:2

Kuñataĩ oñe’ẽ: Che mborayhu jára ohókuri ijyvatýpe, umi mba’e ryakuã asy apytépe, oñangareko hag̃ua hymbakuéra rehe umi cérro rupi, ha omono’õ hag̃ua umi lírio.

Cantar de los cantáres 8:13

Karia’y oñe’ẽ: Nde reikóva umi yvoty ykére, umi nemoirũva ohendu ne ñe’ẽ, ehendukamína chéve avei.

Isaías 53:1

Máva piko oguerovia ore ñe’ẽ, ha mávape g̃uarã piko ojehechaukava’ekue Ñanderuete pu’aka.

Isaías 53:10

Upeichavéramo jepe, Ñanderuete oipy’apy ichupe, oñapytĩ ichupe jehasa asy poguýpe. Ha ikuave’ẽmby heko potĩ rupi Ha’e omoingove yvyariguakuérape, Ha’e ohecháta iñemoñare oikove pukútaha, ha Ñanderuete rembipota ojejapopáta hekoitépe Ha’érupi.

Isaías 58:11

ha pende Ruete pomboguatáta opaite árape ha penemohyg̃uatã porãta pende yvy ikangy ramojepe ha Ha’e omombaretéta pende rete ha pejoguaitéta ku ka’avoty oñembohykuévape meme árape, ha yvu hi’y hetávape, ndahypáiva araka’eve.

Isaías 61:11

Pe yvy omongakuaa háicha temitỹnguéra, ha pe ka’avoty omoheñói háicha imba’e ra’ỹi, péicha Ñanderuete, pe ipu’akapáva omoheñóita ijustícia ha ñemomba’eguasu opaite tetãnguéra apytépe.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Jeremías 31:12

Ha ou joáta hikuái vy’a ha sapukaipópe Sion cérrope, ha oñani joáta hikuái oñembopy’arorývo pende Ruete jehovasa porãite reheve, pan, víno, acéite, hymba ovecha ha vakakuéra reheve; ha hi’ánga ojoguáta ka’avotýpe oñemohe’õ porãvape ysyry rembe’ýpe, ha araka’evéma naimba’embyasyveiva’erã hikuái.

Ezequiel 31:6

Hakãnguéra rehe ojaitypo umi guyra yvate ovevéva, ha hakã guýpe mymba saitekuéra imemby joa, ha ikuarahy’ãme oiko heta tetãnguéra.

Daniel 4:12

Hoguekuéra iporãiterei ha hi’a heta, ha opavave okaru ichugui. Ikuarahy’ã guýpe opytu’u mymba ñu rupigua, ha hakã rehe ojaitypo guyrakuéra, ha opaichagua tekove okaru hese.

Daniel 4:21

hoguekuéra iporãiteva’ekue, hi’a hetaiterei, ha maymávape g̃uarã ome’ẽ hembi’urã, ha iguýpe oiko umi mymba ñu rupigua, ha hakã rehe ojaitypo guyrakuéra.

Zacarías 2:11

Ha heta tetã ojoajuva’erã pende Ruete ndive upe ára upévape, ha oikóta hikuái avei che retã ramo, ha Che aikóta ijapytepekuéra, upéramo peikuaáta ángel atykuéra Jára chembou hague pene rendápe.

Matéo 17:20

Ha Hesu he’i ichupekuéra: Pejerovia’ígui. Añetehápe Che ha’e peẽme, pende jerovia ituicha ramo peteĩ mostáza ra’ỹicharõ jepe, ikatu peje ko cérrope: Ehasa ko’águi amo gotýo, ha pe cérro ohasava’erã. Ha ndaiporimo’ãi mba’eve ikatu’ỹva peẽme.

Márcos 4:30

Ha he’i: Mba’érepa ñambojojáne Ñanderuete retãguasu, térã mba’e mbojojápepa ojogua.

Lúcas 17:6

Ha Hesu ombohovái ichupekuéra: Pende jerovia ojogua ramojepe peteĩ mostáza ra’ỹime peẽ pejéta ko móra mátape: Ejehapo’o ha tereho eñeñotỹ yguasúpe, ha’e iñe’ẽrenduva’erã peẽme.

Apostolkuéra 2:41

Ha umi iñe’ẽrendu ha ogueroviáva iñe’ẽ ojebautizauka ha péicha oike Hesu Crísto Iglésiape 3.000 hermanokuéra rupi.

Apostolkuéra 21:20

Ha’ekuéra ohendupa rire omomba’eguasu Ñanderuetépe, ha he’i Páblope: Nde, hermáno Páblo, rehecha ningo Judayguakuéra apytégui milkuéra ojeroviáva Hesu Crísto rehe, ha opaite umía hakate’ỹ Moises rembiapoukapýre.

Apostolkuéra 4:4

Heta umi ohendúva ijapytégui katu oñepyrũ ojerovia Hesu Crísto rehe, ha oñembohetave ohóvo 5.000 kuimba’e rupi, umi ojeroviámava.

Romayguakuérape 15:19

Ñanderuete Pytu Porãite pu’aka rupi oikóma ñande apytépe techaukaha (señal) ha mba’e techapyrãva (milágro) ramo. Upéicha ningo Jerusalen ha ijerekuévo guive Ilírico peve, che amoherakuã opaite tetãnguérape Hesu Crísto Evangélio, (marandu porã).

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.